DATU MITA 2 9:1 - Alkitab Singog In Mongondow Masa In Tanaa

¹ Kon dodai intua ki Nabi Elisa nogoiní kon intau tobatú kon sigad in nabi mita inta sinundúnea bo noguman, “Posadiadon mayá in Ramot kon Gilead, bo diádon in botoḷ inta binonuan in ḷana zaitun tanaa.

DATU MITA 2 9:1 ပူးပေါင်းရင်းမြစ်များ

DATU MITA IMITÁNEA 1:39

Onda intua ki Zadok nogamá kon tampat in ḷana zaitun inta ain dinianea nongkon Ḷoḷaigan i Tuhan, bo dinuíneadon in ki Salomo nopomaké in ḷana tatua. Bo torompet in inirupdon bo bayongan intau inta namangoi intua nomaḷú, “Mobiag ki Datu Salomo!”

DATU MITA IMITÁNEA 18:46

Kon dodai intua ki Elia nokouḻí kon ropot nongkon i Tuhan. Nongopí in sia kon jubahnea pinodamonik bo pinopotogotnea kon ogotannea bodongka noribatuk inumuna kon i Ahab kinoouput in daḷan nodapot kon bonawang in kotá Yizreel.

DATU MITA IMITÁNEA 19:16

Aidai doman in natua kon i Yehu ki adí i Nimsi, sinbá mobaḻí in sia datu in Israel, bo kon i Elisa ki adí i Sapat nongkon Abel-Mehola, sinbá sia in mobaḻí nabi monoḻiu kon inimu.

DATU MITA IMITÁNEA 20:35

Pinodudui kon parenta i Tuhan, nabi tobatú kon sigad in nabi mita nopotabá kon yobayatnea nokibout kon inia. Táe yobayatnea tatua in doíbí.

DATU MITA IMITÁNEA 22:20

Ki Tuhan in noḻibó, ‘Ki ine in modondouḷug kon i Ahab sinbá moibog in sia mayá moparang bo matoi kon parang kon Ramot kon Gilead?’ Tubag in malaekat mita tatua noyo-noyoposi.

DATU MITA IMITÁNEA 22:4

Dá naonda in ki Yosapat namangoi, ki Ahab in noḻibó, “Moibog degá in moiko mayá moyotakinku monubu kon Ramot?” Ki Yosapat in notubag, “Mopia! Mayá moyotakin in kita. Tontaraku inta tumotakoi mita kon kabaḷo in dumugangdon kon tontaramu bo intaumu mita tumotakoi kon kabaḷo.

DATU MITA 2 2:15

Nabi kon Yerikho inta ḻima nopuḷú tatua in nokoontong kon inia, bo noguman, “Kawasa i Elia in pinampingdon kon i Elisa!” Mosia in namangoi kon inia bo sinumungkud kon tayowonnea

DATU MITA 2 2:3

Tongopaanan in nabi inta nogutun kon tua in minayá nokipodungkuḷ kon i Elisa bo noḻibó, “Kinotaauanmu degá kon singgai in naa in ki tuangmu monaḷámaidon kon inimu sin diaandon i Tuhan mamonik?” “Oo, kinotaauankubí,” tubag i Elisa. “Táe natuabí, dikadon mongonguman kon tua in kita.”

DATU MITA 2 2:5

Topaanan in nabi inta nogutun kon tua minayá nokipodungkuḷ kon i Elisa bo noḻibó “Kinotaauanmudon degá kon singgai in naa ki tuangmu in diaandon i Allah bo monaḷámaidon kon inimu?” “Oo, kinotaauanku,” tubag i Elisa, “Táe kibio-biómaidon, dikadon mongonguman kon tua in kita.”

DATU MITA 2 2:7

bo nabi ḻima nopuḷú in dinumudui kon i monia. Ki Elia bo ki Elisa in sinumogon kon bingkí in ongkag, bo nabi inta ḻima nopuḷú tatua in sinimindog diá noyayú kon tua.

DATU MITA 2 4:1

Kon singgai tobatú ki baḷú in nabi tobatú in minayá kon i Elisa bo noguman, “Amá, ki buḷoiku in minatoidon! Bo kinotaauanbí doman i Amá kon sia tua in intaubí inta motoindudui kon i Allah, táe koboḻi in sia kon intau ibanea. Tanaa in intau tatua in namangoi sin mogamá kon i adíku doyowa bo baḻíonnea ki ata monia, sin poguboḻi kon boḻi i buḷoiku inta ain minatoi tua.”

DATU MITA 2 4:29

Ki Elisa in nobobui kon i Gehazi bo noguman, “Koḻikat! Gamá in tungkudku bo ḷagidon bayá kon baḷoi i iná tanaa. Dikadon mogogai bo momahasa kon i ineka in moyodungkuḷmu kon daḷan. Aka oyúon in intau momahasa kon inimu yo dikadon mokopoonggot in motubag kon tua. Naonda in yaputmu, ukatdon in tungkudku kon awak in adí tatua.”

DATU MITA 2 9:4

Nabi inta nobagupa tatua in nobuat bo minayá in Ramot,

TAWARIKH 2 22:1

Kon pinonubuan tobatú in topaanan in intau in Arab, komintan ki adí ḷoḷaki i Yehoram kinoḻimodan, koḻikudbí in ki Ahazia. Tuamai in intau in Yerusalem noduí kon i Ahazia nobaḻí datu nonoḻiu kon i amánea.

TAWARIKH 2 22:5

Podudui in tonggina monia, sia in dinumugang kon i Yoram datu in Israel sinbá moparang moḷawang kon i Hazael datu in Siria. Mosia in noparang kon Ramot, butá in Gilead. Ki Yoram in pinaḻían kon pinoparangan tatua,

YEREMIA 1:17

Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.

MATIUS 26:7

kon tua namangoidon kon i Yesus in tobatú bobay inta kodia-dia in botoḷ in ḷana nobondu inta nomahaḷ totok in boḻinea. Ḷana tatua pinopoinggúnea kon uḷu i Yesus, wakutu intua ki Yesus koyogot nongaan.

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:3

Moiko ain nokoontong tontaní kon onu inta ain inaidan i Tuhan Allahmu kon Buḷud in Peor. Bayongan intau inta nosumba kon Baal kon tampat tatua iyopú-Nea,

PETRUS 1 1:13

Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea:

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”