DATU MITA 2 8:9 - Alkitab Singog In Mongondow Masa In Tanaa

⁹ Ki Hazael in nogamá kon unta 40 bo dinatogannea in noyagi-yagimai in onu inta kon kotá in Damsyik, bodongka minayá kon i Elisa. Naonda in noiyaputmai kon tampat i Elisa, ki Hazael in noguman, “Bobantungmu ki datu Benhadad, in nopotabá mangoi kon inakó sin moḻibó mongo mopiapa andeka diá in sia.”

DATU MITA 2 8:9 ပူးပေါင်းရင်းမြစ်များ

DATU MITA IMITÁNEA 14:3

Podiaaidon in sia kon roti mopuḷú, kukis topiḻik bo biluk tobotoḷ. Ḻibódon kon inia onu in mobaḻí kon i Abia, adí naton. Potaaubí in nabi tatua kon inimu.”

DATU MITA IMITÁNEA 15:18

Tuamai in ki Datu Asa nogamá kon bayongan in buḷawan bo saḷaka inta kon bonupa in Baḷoi Tuhan bo kon komaḻig in datu bo pinoki dianea kon Damsyik kon i Benhadad datu in Siria, adí i Tabrimon, inta ki ompu i Hesion. Pakakat mita tatua in pinoki dia pinongin tongonumai in intau moḷoben kon komaḻig, takin koyow nanaa,

DATU MITA IMITÁNEA 19:15

Ki Tuhan in noguman, “Pobuidon kon padang gurun kon diug in Damsyik! Bo bayádon in kotá bo popobutakdon in ḷana kon uḷu i Hazael nobaḻí tomponuot kon pinoduían kon inia nobaḻí datu in Siria.

DATU MITA 2 1:2

Kon singgai tobatú ki Datu Ahazia nongkon Israel noḷabú nongkon dangkuḷon kon ḷundukan in komaḻignea kon Samaria, nodapot in sia kinekeban nodaḷom. Dá nopotabá in sia in intau sin moḻibó kon i Baal-Zebub, dewa in kotá in Ekron kon Pilistin, degá mopiapa in sia mongo diádon.

DATU MITA 2 13:14

Kon singgai tobatú ki Nabi Elisa in notakit moyoyiga, bo ki Datu Yoas in namangoi noindoi kon inia. Naonda in inontongnea kon ki Elisa in motoyongdon matoi, ki datu tatua in nongombaḷ bo noguman, “Amáku, Amáku, inta mototuḷung moḷoben in Israel!”

DATU MITA 2 16:7

Ki Ahas in nopotabá in totabá minayá kon i Tiglat-Pileser datu in Asyur takin koyow tanaa, “Akuoi in bobantungmu inta mosatia, tuamai, poigumonku angoidon bo posaḻamatdon in akuoi nongkon i datu in Siria bo datu in Israel inta koyogot in monubu kon inakó.”

DATU MITA 2 5:13

Táe bobantungnea mita in dinimiug kon inia bo noguman, “Tuang, akakuma bo ki Tuang in potabá mogaid kon oaidan inta mobogat, yo notantúbí kon aidanbí doman i Tuang. Apa doman tanaa tongábí in sia nokipoinggú kon i Tuang sinbá mopia!”

DATU MITA 2 5:5

Ki datu in noguman, “Mopia, bayádon kon i datu in Israel. Bain momais kon surat in akuoi kon inia.” Dá nobuatdon in ki Naaman kodia-dia in doit saḷaka 30.000, doit buḷawan 6.000, bo mopuḷú nogapang in ḷambung inta mongopia.

DATU MITA 2 6:21

Naonda in inontong i datu in Israel in intau mita in Siria, noḻibó in sia, “Elisa, degá ḻimodonku in intau mita tanaa?”

MOHOHUTUBA 3:6

Ki Allah in nonantú kon wakutu mokodungkuḷ bo wakutu kobuḻian, wakutu motagú bo wakutu kinotaḷu-taḷuinea,

PILEMON 1:14

Táe doíbí in akuoi momia kon natua aka diápa muna moyosingogmu. Sinbá onu inta mopia pomiaanmu, deemanbí popisí in pinakisaku; táe inaidanmubí intua takin nosanang in gina.

SAMUEL 1 25:8

Tungkuḷaidon ḻibó kon i monia, notantúbí kon totuuon monia intua. Manangka intua, haraponku mako sinbá intauku mita in tarimaan mopia kon baḷoimu, sin kami in namangoi kon singgai moḷoben naa. Ogoiaipa kaasí in bobantungmu mita naa bo akuoi, ki Daud, inta yobayatmu mopia, tongáka onu in koibogmu ogoi.”

SAMUEL 1 9:7

Guman i Saul, “Aka mayá in kita mokipodungkuḷ kon inia yo onu in ogoi naton kon inia? Tongkaaḷ inta dinia naton nodaitdon, bo diádon in motaau ogoi naton kon mogogundoi i Allah tatua!”