DATU MITA 2 8:7 - Alkitab Singog In Mongondow Masa In Tanaa

⁷ Kon wakutu tobatú minayá in ki Elisa in Damsyik. Noitongkanábí kon ki Datu Benhadad notakit. Naonda in kinodongogan i datu kon ki Elisa in kon Damsyik,

DATU MITA 2 8:7 ပူးပေါင်းရင်းမြစ်များ

KINOBAḺIAN 14:15

Kon tua ki Abram nopoyosilai in intaunea mita kinolo-kolompó, bo dongka nonubu kon musung kon dodai in doḷom bo nonaḷow kon i monia. Sia in nogaḷow kon i monia nodapot kon Hoba kon dotá in utuan kotá in Damsyik.

DATU MITA IMITÁNEA 11:24

Ki Datu Daud in nokoimontandon in nonaḷow kon i Hadadezer tanaa bo noḻimod kon yobayat mita i Hadadezer nongkon Siria. Kon dodai intua ki Rezon in noḷagui nongkon i Hadadezer bo nosipun kon intau mita bo nobaḻí itoi in ḷagu-ḷagui. Sia bo intaunea mita in minayá in Damsyik bo nogutun kon kotá tatua. Kon tua intaunea mita noduí kon inia nobaḻí datu in Siria.

DATU MITA IMITÁNEA 13:1

Kon dodai intua oyúon in nabi tobatú kon Yohuda. Sia in pinotabá i Tuhan mayá in Betel. Nabi tatua noiyaput intua kon tungkuḷ in ki Yerobeam simindog mako kon tayowon in mezbah sin moposumba in kuruban.

DATU MITA IMITÁNEA 15:18

Tuamai in ki Datu Asa nogamá kon bayongan in buḷawan bo saḷaka inta kon bonupa in Baḷoi Tuhan bo kon komaḻig in datu bo pinoki dianea kon Damsyik kon i Benhadad datu in Siria, adí i Tabrimon, inta ki ompu i Hesion. Pakakat mita tatua in pinoki dia pinongin tongonumai in intau moḷoben kon komaḻig, takin koyow nanaa,

DATU MITA IMITÁNEA 20:1

Kon singgai tobatú ki Benhadad, datu in Siria, nosipun kon bayongan in tontaranea, bo noyotakin in 32 in datu mita ibanea takin kereta in parang, bo kabaḷo monia, nongopung bo nonubu in sia kon kotá in Samaria.

DATU MITA IMITÁNEA 20:34

Bo ki Benhadad in noguman kon inia, “Pobuionkubí kon i Tuang in kotá mita inta ain inagow i amáku nongkon i Tuang. Ki Tuang in motaaubí doman moposindog in pasar kon kotá in Damsyik ná inta pinomia i amáku kon kotá in Samaria.” Tubag i Ahab, “Pinodoyon kon dandi i Tuang tatua, poḷuatonkudon in ki Tuang.” Nopaḷut mako kon tua ki Ahab in nogaid kon dodandian takin i Benhadad bodongka nopomayádon kon inia minayá.

DATU MITA 2 1:2

Kon singgai tobatú ki Datu Ahazia nongkon Israel noḷabú nongkon dangkuḷon kon ḷundukan in komaḻignea kon Samaria, nodapot in sia kinekeban nodaḷom. Dá nopotabá in sia in intau sin moḻibó kon i Baal-Zebub, dewa in kotá in Ekron kon Pilistin, degá mopiapa in sia mongo diádon.

DATU MITA 2 2:15

Nabi kon Yerikho inta ḻima nopuḷú tatua in nokoontong kon inia, bo noguman, “Kawasa i Elia in pinampingdon kon i Elisa!” Mosia in namangoi kon inia bo sinumungkud kon tayowonnea

DATU MITA 2 5:20

ki Gehazi bobantung i Elisa, in norai, “Nongonu sin pinomayábí mako in sia in minayá takin diá noguboḻi? Sabanarnea in mustibí in ki tuangku motarima kon onu in ogoi in intau in Siria tatua! Podoyon kon i Tuhan inta nobiag, mustibí batukonku in sia bo moigum kon onu inta oyúon kon inia!”

DATU MITA 2 6:12

Tobatú kon sigad in itoi mita in tontara tatua in notubag, “Diábí in tobatúmai, Tuang Datu. Ki Nabi Elisabí tua in nokopopisí tatua! Siabí in nopotaau kon i datu in Israel onu inta siningog i Tuang Datu, umpakabí siningog intua kon bonu in gopot.”

DATU MITA 2 6:24

Diá noonggot kon tua ki Benhadad datu in Siria nodia kon bayongan in tontaranea sin monubu kon Israel. Kinopung monia in kotá in Samaria,

DATU MITA 2 8:6

Bo noḻibó in ki datu bo inouman in bobay tatua in soaḷ adí tatua. Nopaḷut mako kon tua ki datu in nogoiní kon pogawainea tobatú bo nomarenta sinbá bayongan in kapunyaan in bobay tatua daitondon pobuion kon inia, noitakin doman in boḻi in bayongan bungai in boyó inta nongkon gobánea kon bonu in pitu notaong kon tungkuḷ in sia diá in kon naa.

YESAYA 7:8

sin Siria in diábí moropo-ropot nongkon Damsyik iná in kotánea, bo Damsyik in diábí moropo-ropot nongkon i Datu Rezin. Umpaka kon bonu in onom nopuḷú bo ḻima notaong, Israel in mosila-silaibí modapot in diádon monahang saḷaku bangusa.

YEREMIA 40:5

Kon dodai in diápa minayá, ki Nebuzaradan in noguman, “Aka moibog, iko in motaaubí mobui mayá kon i Gedalya ki adí i Ahikam ki ompu i Sapan, inta ain dinuí i datu in Babel nobaḻí gubernur kon kotá mita in Yohuda. Iko in motaaubí mogutun takinnea kon sigad in rayat, andeka mayábí in onda in koibogmu.” Bo inogoiannea in tongkaaḷ kaanon bo tombuinag in akuoi, bo inogoineadon in akuoi minayá.

OUMAN IN RASUL MITA 17:6

Táe diá nouḻí monia in taya dua, dá ki Yasondon takin in tongonumai intau mopirisaya ibanea in dinia monia kon tayowon intau mita moḷoben kon kotá tatua. Bo totokdon in nomaḷú nanaa: “Intau mita tanaa in mongongacau kon bayongan tampat! Mosia in namangoi doman in kotá naton naa,

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

HAKIM MITA 16:2

Bo kinodongogandon in intau mita inta nogutun kon Gaza kon ki Simson in kon tua. Dá, binayádon iḻipung monia in tampat tatua bo iḷukadan monia in tonggobii tua kon ngara in kotá. Táe mosia in diábí nomia kon onu bo onu in doḷom tua sin mosia in norai, “Bain momuká in mata in singgai bo ḻimodon naton in sia.”