DATU MITA 2 8:6 - Alkitab Singog In Mongondow Masa In Tanaa

⁶ Bo noḻibó in ki datu bo inouman in bobay tatua in soaḷ adí tatua. Nopaḷut mako kon tua ki datu in nogoiní kon pogawainea tobatú bo nomarenta sinbá bayongan in kapunyaan in bobay tatua daitondon pobuion kon inia, noitakin doman in boḻi in bayongan bungai in boyó inta nongkon gobánea kon bonu in pitu notaong kon tungkuḷ in sia diá in kon naa.

DATU MITA 2 8:6 ပူးပေါင်းရင်းမြစ်များ

KINOBAḺIAN 37:36

Kon dodai intua, kon Mesir, intau mita in Midian ain nopotaḷui kon i Yusup kon i Potipar, tobatú pogawai i datu inta pongawal Komaḻig.

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

DATU MITA 2 8:5

Bo noitongkaná kon dodai in bobay nongkon Sunem tatua namangoi kon i datu sin mopotaau in oigumnea, ki Gehazi in koyogot mongonguman kon naonda in pinomomiag bui i Elisa kon adí inta ain minatoi tua. Dá ki Gehazi in noguman, “Tuang Datu inta momulia, naa in bobay tatua, bo naa in ki adínea inta biniag bui i Elisa!”

DATU MITA 2 8:7

Kon wakutu tobatú minayá in ki Elisa in Damsyik. Noitongkanábí kon ki Datu Benhadad notakit. Naonda in kinodongogan i datu kon ki Elisa in kon Damsyik,

DATU MITA 2 9:32

Iḷumangag in ki Yehu kon jandela bo noguman, “Ki ine in moibog kon inakó?” Nokodongogmai kon tua, doyowa toḷu in pogawai in komaḻig iḷumongow monag.

TAWARIKH 1 28:1

Ki Datu Daud in nomarenta sinbá bayongan in itoi in Israel moyosipun kon Yerusalem. Dá bayongan tongguḷu in suku, pojabat mita inta nokadai kon pomarentaan, tongguḷu mita in inanakan, moḷoḷukad mita kon bayongan kapunyaan bo bobiagon i datu bo ki adínea mita ḷoḷaki – impoḷok mako in tosingogon intau mita moḷoben kon komaḻig, porwira mita bo intau moponting, komintan noyosipun kon Yerusalem.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

ULANGAN 22:2

Aka kitoginea noyayú in baḷoi, ande diá kinotaauan monimu mongo ki ine in kitoginea, yo diá in bobiagon tatua kon baḷoimu. Aka kitoginea mamangoi motayak yo ogoidon bui kon inia in biag tatua.

HAKIM MITA 11:13

Ki datu in Amon notubag kon totabá mita tatua, “Naonda in umat in Israel namangoi nongkon Mesir, mosia in nogamá kon butá nami, pinangkoi kon Ongkag in Arnon nodapot kon Ongkag in Yabok bo Ongkag in Yordan. Yo tanaa in pobuidon intua takin dame.”