DATU MITA 2 8:5 - Alkitab Singog In Mongondow Masa In Tanaa

⁵ Bo noitongkaná kon dodai in bobay nongkon Sunem tatua namangoi kon i datu sin mopotaau in oigumnea, ki Gehazi in koyogot mongonguman kon naonda in pinomomiag bui i Elisa kon adí inta ain minatoi tua. Dá ki Gehazi in noguman, “Tuang Datu inta momulia, naa in bobay tatua, bo naa in ki adínea inta biniag bui i Elisa!”

DATU MITA 2 8:5 ပူးပေါင်းရင်းမြစ်များ

DATU MITA IMITÁNEA 20:1

Kon singgai tobatú ki Benhadad, datu in Siria, nosipun kon bayongan in tontaranea, bo noyotakin in 32 in datu mita ibanea takin kereta in parang, bo kabaḷo monia, nongopung bo nonubu in sia kon kotá in Samaria.

DATU MITA 2 4:12

nopotabá in sia kon i Gehazi, bobantungnea, minayá nokioiní in bobay tatua. Naonda in bobay tatua namangoi,

DATU MITA 2 4:35

Nobangon in ki Elisa bo nodondaḷoi kon bonu in gopot tatua, onda intua bui sinumongkob kon awak in adí tatua. Imbuitnea nobaan kopitu in adí tatua, bo binukáneadon in matanea.

DATU MITA 2 6:12

Tobatú kon sigad in itoi mita in tontara tatua in notubag, “Diábí in tobatúmai, Tuang Datu. Ki Nabi Elisabí tua in nokopopisí tatua! Siabí in nopotaau kon i datu in Israel onu inta siningog i Tuang Datu, umpakabí siningog intua kon bonu in gopot.”

DATU MITA 2 6:26

Kon singgai tobatú kon tungkuḷ in ki datu minaya-mayá kon tudu in dinding in kotá, bobay tobatú in nomaḷú, “Tuang Datu, tuḷungaipa!”

DATU MITA 2 8:6

Bo noḻibó in ki datu bo inouman in bobay tatua in soaḷ adí tatua. Nopaḷut mako kon tua ki datu in nogoiní kon pogawainea tobatú bo nomarenta sinbá bayongan in kapunyaan in bobay tatua daitondon pobuion kon inia, noitakin doman in boḻi in bayongan bungai in boyó inta nongkon gobánea kon bonu in pitu notaong kon tungkuḷ in sia diá in kon naa.

ESTER 5:14

Nokodongogmai kon tua ki buḷoinea bo bayongan in totakinnea noguman, “Pokiaidaidon in oigi pobambéan inta koḷantudnea in doyowa nopuḷú bodoyowá nometer. Bo mopoikoḷomai, doḷo-doḷom poigumdon kon i datu mobambé kon i Mordekhai kon oigi tatua. Dá motaaudon in iko mayá kon bobutungan tatua takin pia in gina.” Aka kon i Haman yo mopiabí totok in tosingogon tatua, tuamai in ḷagidon sia nokiaid in oigi pogantongan tatua.

MAZMUR 145:1

Dodayow nongkon i Daud. Akuoi in moibog mopoḷantud kon ini-Mu, o Allahku bo Datuku, bo modayow kon ini-Mu modapot in mononoi.

AMSAL 16:9

Intau in motaaubí momia kon tomayá, táe ki Allahbí in monantú kon daḷan kobiagannea.

MOHOHUTUBA 9:11

Kon dunia naa oyúonpa doman in inontongku: kon totandingan in diábí umuran intau inta moḻikat in mokountung, kon poparangan in diábí umuran intau moropot in mountung. Intau mobijaksana in diábí umuran mokouḻí kon oaidan. Bo intau mopandoi in diábí umuran mokouḻí kon kaoyúonan. Bo intau inta motaau totok diábí umuran mobaḻí ponango-nangoian. Sin ki inekabí kotugatanbí in ukur diá mopia.

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

RUT 2:3

Dá minayádon in ki Rut kon gobá bo nopuyut kon gandum dumuduianmai kon intau mita inta noratab. Noitongkanábí in sia kon gobá i Boas.

SAMUEL 1 26:17

Kinotaauan i Saul in singog i Daud bo noguman in sia, “Daud, iko degá in nion, Adíku?” Tubag i Daud, “Oo, Tuang datu.”