DATU MITA 2 8:26 - Alkitab Singog In Mongondow Masa In Tanaa

²⁶ Kon dodai intua ki Ahazia umur doyowa nopuḷú bodoyowá notaong, bo nomarenta in sia kon Yerusalem totaong in koonggotnea. Ki inánea in ki Atalya, ki adí i Datu Ahab, ki Ompu i Omri inta datu in Israel.

DATU MITA 2 8:26 ပူးပေါင်းရင်းမြစ်များ

KINOBAḺIAN 24:48

Akuoi in dinumokó nosumba bo nodayow kon i Tuhan, Allah i tuangku Abraham. Sia in bayá-bayádon nodia kon inakó namangoi in naa, kon ginaḷum i tuangku, nodapot in akuoi bayá-bayádon noyodungkuḷ in mongodeaga sin potonibuḷoion kon i adínea.

DATU MITA IMITÁNEA 16:22

Imbuitnea kon tua mosia inta moibog kon i Omri in nountung. Ki Tibni in minatoi bo ki Omri in nobaḻí datu.

DATU MITA IMITÁNEA 16:23

Tua in nobaḻí kon taong nogintoḷu nopuḷú bomitá kon pinomarentaan i Datu Asa kon Yohuda. Ki Omri in nomarenta nobaḻí datu kon Israel mopuḷú bodoyowá notaong in koonggotnea. Onom notaong dungkuḷ nomarenta in sia kon Tirza.

DATU MITA 2 11:1

Naonda in kinotaauan i Atalya kon ki Datu Ahazia, ki adínea in minatoidon, pinarentaanneadon sinbá bayongan in ginaḷum motoḷuadí i Ahazia in ḻimodon.

TAWARIKH 2 22:2

Ki Ahazia in nobaḻí datu kon dodai in umur doyowa nopuḷú bo doyowa notaong, bo sia in nomarenta kon Yerusalem totaong in koonggotnea. Ki Ahazia in nobiag doman naonda bo motoḷuadí i Datu Ahab, sin ki Atalya ki inánea in nononggina kon inia sinbá mogaid kon inta moraat. Ki Atalya in ki adí bobay i Datu Ahab, ki ompu i Omri datu in Israel.