DATU MITA 2 8:18 - Alkitab Singog In Mongondow Masa In Tanaa

¹⁸ Sia in notonibuḷoi takin i adí i Ahab, bo ná inta pinomia in motoḷuadí i Ahab, sia in binaradosa doman kon i Tuhan ná datu mita in Israel.

DATU MITA 2 8:18 ပူးပေါင်းရင်းမြစ်များ

DATU MITA IMITÁNEA 21:25

Diábí kon dodai in onda in intau inta takin ḻimbatú in gina mogaid kon inta moraat kon tayowon i Tuhan ná inta pinomia i Ahab. Bayongan in aid moraat tatua in inaidannea sin umuran tundúdanmai i Izebel ki buḷoinea.

DATU MITA 2 16:3

Nobiag in sia naonda bo datu mita in Israel, noidapot in noposumba in adínea ḷoḷaki tontaní nobaḻí kuruban kon dewa, podudui in kabiasaan moraat in intau mita inta ain pinoguntun i Tuhan nongkon butá in Kanaan kon tungkuḷ in intau in Israel sinumuot kon butá tatua.

DATU MITA 2 21:13

Yerusalem in hukumon-Kubí ná pinohohukum-Ku kon Samaria bo kon i Ahab datu in Israel takin buínea. Yerusalem in radatan-Ku kodariton naonda bo pindan inta iyuyúan bo pinotongkob.

DATU MITA 2 21:3

Tampat mita pososumbaan kon dewa inta ain inumpag i Hizkia ki amánea in buineabí pinosindog. Noposindog in sia in mezbah mita sin poibadaan kon i Baal, bo nogaid kon patong i Dewi Asyera, ná inta pinomia i Ahab datu in Israel. Ki Manasye in nosumba doman kon tundi mita.

DATU MITA 2 8:26

Kon dodai intua ki Ahazia umur doyowa nopuḷú bodoyowá notaong, bo nomarenta in sia kon Yerusalem totaong in koonggotnea. Ki inánea in ki Atalya, ki adí i Datu Ahab, ki Ompu i Omri inta datu in Israel.

DATU MITA 2 8:27

Popisí in pinotonibuḷoiannea tatua dá oyúondon in togot in motoḷuadí i Ahazia bo in motoḷuadí i Datu Ahab. Ki Ahazia in binaradosa kon i Tuhan notongkai ná inta inaidan in motoḷuadí i Ahab.

TAWARIKH 2 17:4

táe tongábí moibada kon i Allah. Sia in motoindudui kon bayongan in parenta i Allah, bo kobobiagnea in diábí ná datu mita in Israel.

TAWARIKH 2 18:1

Naonda in ki Yosapat datu in Yohuda nobaḻí nooyúon bo ponango-nangoiandon, pinopobuḷoinea in intau tobatú agat in motoḷuadínea kon motoḷuadí i Ahab datu in Israel.

TAWARIKH 2 19:2

nabi tobatú inta ki Yehu in tangoinea ki adí i Hanani namangoi kon tayowon i datu. Nabi tatua noguman kon inia, “Degá patus in ki Tuang datu motuḷung kon intau moraat bo momihak kon intau inta mondoí kon i Tuhan? Oaid i Tuang tatua in nokopopisídon ki Tuhan sinumorú kon i Tuang.

TAWARIKH 2 21:13

Nodapotbí in ki Tuang nobiag naonda bo datu mita in Israel, bo nokopopisídon kon rayat in Yohuda bo Yerusalem diá mosatia kon i Allah. Ki Tuang in nogaid kon ná inta inaidan i Datu Ahab bo datu mita inta nomaḷui kon inia. Ki Tuang in nodapotbí in noḻimod kon i utat mita i Tuang, bokaka mosiabí in mopia-pia nongkon i Tuang.

TAWARIKH 2 21:6

Sia in dinumudui kon kobobiag i Datu Ahab bo datu mita in Israel ibanea, sin sia in notonibuḷoi in adí bobay tobatú i Ahab. Binaradosa in sia kon i Tuhan,

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”