DATU MITA 2 7:18 - Alkitab Singog In Mongondow Masa In Tanaa

¹⁸ Ki Elisa in nogumandon kon degá orasmai ná tatua mopoikoḷomai kon singgai, toḷu nokilo in gandum inta totok in mopia andeka onom nokilo in gandum ibanea in potaḷui kon Samaria tongá momaké in doit saḷaka tobatú.

DATU MITA 2 7:18 ပူးပေါင်းရင်းမြစ်များ

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

DATU MITA 2 6:32

Bo ki datu in nopotabá in intau tobatú inumuna kon inia minayá in baḷoi i Elisa. Kon dodai intua ki Elisa in kon baḷoi, bo tongonumai in intau mita inta ihoromat in kon tua doman namangoi nokipodungkuḷ. Kon dodai diápa noyaput in totabá i datu tatua, ki Elisa in noguman kon intau mita tatua, “Indoiaika! Intau inta moḷoḻimod in nopotabádon mangoi in intau sin moḻimod kon inakó. Aka moyaputdon in intau tatua, yo ḻingkopaidon in ngara bo dikabí pomayá mako in sia tumuot. Kon tuminea tua in ki datu.”

DATU MITA 2 7:19

Bo kon dodai intua moḷoḷukad i datu in nogumandon, “Naondabí! Diábí kumaan kon akaḷ intua, umpakabí kon tanaa mako doman ki Tuhan in mopoangoi in uyan morogot nongkon ḷangit!” Bo sinubagan i Elisa, “Bain koontonganmu intua mobaḻí, táe diábí in iko moikaan kon tua topiḻikmai.”

YESAYA 44:26

Akuoibí in noginrigon kon tosingogon in mogogundoi-Ku, bo nopobayá in tomayá inta pinoniata in totabá-Ku, Akuoi in noguman kon Yerusalem in pogutunanbí bui, bo kotá mita in Yohuda in posindogon-Kubí bui; rumbunnea mita in buibí tompiaan.