DATU MITA 2 7:17 - Alkitab Singog In Mongondow Masa In Tanaa

¹⁷ Noitongkaná kon tua intau inta moḷoḷukad kon i datu noḷukadmai kon bonawang in kotá. Minatoi in sia kon tua sin kinoritakan in intau mita. Tua in nobaḻí ná inta ain siningog i Elisa kon i datu kon dodai in ki datu namangoi kon inia.

DATU MITA 2 7:17 ပူးပေါင်းရင်းမြစ်များ

DATU MITA 2 5:18

Aka pakisadon in akuoi mayá moyotakin i datu sin mosambayang kon kuil i Rimon dewa in Siria, yo poigumon mako ampungan i Tuhan in akuoi.”

DATU MITA 2 6:32

Bo ki datu in nopotabá in intau tobatú inumuna kon inia minayá in baḷoi i Elisa. Kon dodai intua ki Elisa in kon baḷoi, bo tongonumai in intau mita inta ihoromat in kon tua doman namangoi nokipodungkuḷ. Kon dodai diápa noyaput in totabá i datu tatua, ki Elisa in noguman kon intau mita tatua, “Indoiaika! Intau inta moḷoḻimod in nopotabádon mangoi in intau sin moḻimod kon inakó. Aka moyaputdon in intau tatua, yo ḻingkopaidon in ngara bo dikabí pomayá mako in sia tumuot. Kon tuminea tua in ki datu.”

DATU MITA 2 7:2

Itoi in tontara inta moḷoḷukad kon i datu in notubag, “Naondabí! Diábí kumaan kon akaḷ intua, umpakabí kon tanaa mako doman ki Tuhan in mopoangoi in uyan morogot nongkon ḷangit!” “Bain indoianmu tontaní in kobaḻían intua, táe iko in diábí moikaan kon kaanon tatua umpaka tongá topiḻikmai,” tubag i Elisa.

DATU MITA 2 9:33

Ki Yehu in noguman kon i monia, “Pogonagdon monag in sia!” Dá pinogonagdon monia in ki Izebel bo iḻigit in kereta in sia dá noitoputdon in dugúnea kon dinding bo kon kabaḷo mita in kereta tatua.

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

MIKHA 7:10

Dungkuḷmai musung in moningkuḻe kon i naton takin mosingog, “Kon onda degá in ki Tuhan, Allahmu tatua?” Táe tanaa mosia in mokoontongbí kon onu in aidan i Tuhan kon i naton, bo mobaḻíbí mooyá in mosia. Kita in moindoibí kon musung mita naton tatua in taḷowon bo rita-ritakan mako naonda bo yoná kon daḷan.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

HAKIM MITA 20:43

Intau mita in Israel noḻibut bo nondudur kon i monia nodapot kon tampat tobatú kon dotá in pomukaan kon Gibea. Kodudu-dudur in mosia, koḻimo-ḻimod domandon