DATU MITA 2 7:13 - Alkitab Singog In Mongondow Masa In Tanaa

¹³ Pogawai tobatú i datu in noguman, “Tuang Datu, kita inta kon bonupa in kotá tanaa in notongkaibí in kaadaan ná i monia inta ain minatoi. Tuamai in mopia-piabí kon mopotabá in kita in tongonumai intau tumakoi kon kabaḷo ḻima inta kon sigad in kabaḷo mita inta nobiagpa, bo mayá intua sin moindoi mongo onu inta ain nobaḻí.”

DATU MITA 2 7:13 ပူးပေါင်းရင်းမြစ်များ

DATU MITA 2 5:13

Táe bobantungnea mita in dinimiug kon inia bo noguman, “Tuang, akakuma bo ki Tuang in potabá mogaid kon oaidan inta mobogat, yo notantúbí kon aidanbí doman i Tuang. Apa doman tanaa tongábí in sia nokipoinggú kon i Tuang sinbá mopia!”

DATU MITA 2 6:33

Diápa nopaḷut in ki Elisa nosingog, ki datu noidapotdon intua bo noguman, “Roriga tanaa ki Tuhanbí in nopoḷabú kon inaton! Dá onupabí in mangaḻenea in akuoi moharap mako kon totuḷung-Nea?”

DATU MITA 2 7:12

Kon tungkuḷ intua nodoḷompa, táe ki datu in iḻumuai domandon kon gopotnea bo noguman kon pogawainea mita, “Indongogaika! Kinotaauankubí in tomayá in intau mita in Siria tua! Kinotaauanbí monia kon kita naa in ginogoidon, tuamai in sinaḷáandon monia in ḷoḷaigan bo minayá nogadop kon dogami sin mobayat kon inaton ḷumuai motayak kon kaanon. Onda intua domokon monia in kita bo ḻitúandon monia in kotá.”

DATU MITA 2 7:14

Dá nomiḻídon in mosia kon tongonumai in intau, bo pinoki diaandon i datu in mosia in kereta in parang doyowa bo minayá nonaridi mongo onu in nobaḻí kon tontara mita in Siria.

DATU MITA 2 7:4

Aka tumuot in kita kon kotá, yo matoi in kita in gogoy; bo aka umuran doman kon naa in kita, yo matoibí doman. Maníka bo mayádon in kita kon pinononḷoḷaigan in intau in Siria. Paling-paling ḻimodonbí monia in kita. Táe kamungkinan doman diábí onuon monia in kita.”

YEREMIA 14:18

Aka akuoi mayá in rawang, ontongonku in mayat mita inta minatoi in parang. Kon bonu in kotá ontongonku in roriga, intau mita gogiódon matoi in gogoy. Nabi bo imang mopobayá in oaidan takin diá komangaḻean monia onu in inaidan.”

OMBAḶ 4:9

Mororiga in mosia bo koonggot-koonggot matoidon, popisí in beresidon diá in kaanon; inta matoi kon poparangan, in mopia-pia kon inta matoi in gogoy.