DATU MITA 2 7:12 - Alkitab Singog In Mongondow Masa In Tanaa

¹² Kon tungkuḷ intua nodoḷompa, táe ki datu in iḻumuai domandon kon gopotnea bo noguman kon pogawainea mita, “Indongogaika! Kinotaauankubí in tomayá in intau mita in Siria tua! Kinotaauanbí monia kon kita naa in ginogoidon, tuamai in sinaḷáandon monia in ḷoḷaigan bo minayá nogadop kon dogami sin mobayat kon inaton ḷumuai motayak kon kaanon. Onda intua domokon monia in kita bo ḻitúandon monia in kotá.”

DATU MITA 2 7:12 ပူးပေါင်းရင်းမြစ်များ

DATU MITA 2 7:11

Moḷoḷukad mita tatua in nopobaḷú doman in habar tatua, dá pinotaaudon in intau kon komaḻig.

DATU MITA 2 7:13

Pogawai tobatú i datu in noguman, “Tuang Datu, kita inta kon bonupa in kotá tanaa in notongkaibí in kaadaan ná i monia inta ain minatoi. Tuamai in mopia-piabí kon mopotabá in kita in tongonumai intau tumakoi kon kabaḷo ḻima inta kon sigad in kabaḷo mita inta nobiagpa, bo mayá intua sin moindoi mongo onu inta ain nobaḻí.”

YOSUA 8:4

bo nobogoi in parenta tanaa kon i monia, “Pogadopdon kon ḻikudmai in kotá tatua, tongá dika totok in yumayú; bo posadiadon monubu.