DATU MITA 2 6:5 - Alkitab Singog In Mongondow Masa In Tanaa

⁵ Bo daḻídon mata in boḻiung in intau tobatú inta kon sigad monia tua noḷabú kon tubig. “Ado, Amá!” gumannea kon i Elisa, “Tua in tongábí boḻiung iḷuanan!”

DATU MITA 2 6:5 ပူးပေါင်းရင်းမြစ်များ

DATU MITA 2 3:10

“Mobodito in kita!” guman i Datu Yoram. “Ki Tuhan ain nonomayá moposarakan kon i naton toḷu kon i datu in Moab!”

DATU MITA 2 4:7

Onda intua ki iná tatua buidon minayá kon i Nabi Elisa, bo ki Elisa in noguman, “Potaḷuidon in ḷana mita tatua sin poguboḻi kon bayongan in boḻi i iná, bo ki agatnea in pakéondon i iná kon kobiagan i iná takin adí mita i iná.”

DATU MITA 2 6:15

Nopoikoḷomai kon singgai, doḷo-doḷom totok naonda in bobantung i Elisa nobangon bo iḻumuai, inontongnea in tontara in Siria nongopung kon kotá tatua notouḷut doman in kabaḷo bo kereta in parang monia. Dá, nobui minayá in sia kon i Elisa bo noguman, “Mobodito in kita, Tuang! Onu in aidan naton?”

DATU MITA 2 6:4

bo minayádon noyotakin in mosia. Naonda in noiyaput kon bingkí in Ongkag in Yordan, nomangkoidon in mosia nomupuḷ kon kayu.

DATU MITA 2 6:6

“Kon onda in kinoḷabúannea?” iḻibó i Elisa. Sinundú in intau tatua in kinoḷabúannea, bo nomongkó in ki Elisa kon kayu topongkó bo pinogarab kon tampat tatua. Dá iḷumantakdon mata in boḻiung tatua kon tudu in tubig.

MAZMUR 37:21

Intau moraat in moḷuan bo diá mopobui kon onu inta iḷuanannea, táe intau mopia in mobogoibí takin pia in gina.

MOHOHUTUBA 10:10

Aka pitowmu mobangkungdon bo diá dilúonmu, yo musti in iko mogaid takin rumoriga totok. Paké in akaḷmu inta mosehat, bo muna pogaid kon tomayá.

YESAYA 10:34

Ki Tuhan in mogumpagbí kon i monia naonda bo pangkoi in kayu kon yuak in kayuon pinupuḷ in boḻiung. Umpaka in mosia moropot ná pangkoi in kayu inta totok in motoyang kon Libanon, mosia in moumpagbí doman!

WAHYU 18:10

Mosia in simindogbí mokopoyayú sin moondok in koantugan in roriga tatua. Mosia in moguman, “Ado, totokdon in mobodito in kotá moḷoben tanaa – kotá in Babel inta moropot! Tongá kon bonu in tojam pinopoaidan in hukuman kon inimu!”

WAHYU 18:16

poḷat mosingog, “Adodoia kaasí, totokdon moḷoben in bodito in kotá inta moḷoben tanaa! Biasamai mogiḷambung in sia nongkon kaeng inta moaḷus, kaeng nopars, bo kaeng nopura inta noguyang; biasamai sia nopuḻing in ḷambá buḷawan, permata, bo mutiara!

WAHYU 18:19

Dá mosia in nopoinggú in ḷobud saḷaku tanda nobaḷu. Bo mosia in nongombaḷ poḷat nogamui, “Adodoia kaasí in kobobogat in bodito in kotá moḷoben tanaa! Kaoyúonannea ain nokopobaḻí kon bayongan intau inta kokapaḷ in dagat nobiag doman nooyúon! Táe tongá kon bonu i wakutu tojam sia in kinobuḻiandon in bayongan yagi-yagi!”