DATU MITA 2 6:10 - Alkitab Singog In Mongondow Masa In Tanaa

¹⁰ Dá ki datu in Israel nobogoidon in tompoingat kon intau mita inta nogutun kon diug intua sinbá tantú kiḷuka-ḷukadmai. Natuata in nobaḻí kotongonumaidon in ki Elisa nobogoi in tompoingat kon i datu.

DATU MITA 2 6:10 ပူးပေါင်းရင်းမြစ်များ

DATU MITA IMITÁNEA 20:15

Dá ki datu in nopotabá domandon in tontara mita inta nongobagupa totakin in bupati mita. Kobayong monia tua in 232 in tontara. Onda intua inaidannea doman inta ná inaidan in tontara in Israel. Kobayong monia komintan in 7.000 intau.

DATU MITA 2 13:14

Kon singgai tobatú ki Nabi Elisa in notakit moyoyiga, bo ki Datu Yoas in namangoi noindoi kon inia. Naonda in inontongnea kon ki Elisa in motoyongdon matoi, ki datu tatua in nongombaḷ bo noguman, “Amáku, Amáku, inta mototuḷung moḷoben in Israel!”

DATU MITA 2 2:12

Inontong i Elisa intua bo nomaḷú in sia, “Elia, Amáku! Amáku! Moḷoḷukad kon Israel inta motorindog! Diádon in ki Amá!” Dá diádon inontong i Elisa in ki Elia. Takin robonoḷ in dodob ki Elisa nomerak kon jubahnea nosilai doyowa,

DATU MITA 2 5:14

Tuamai in minayádon in ki Naaman kon Ongkag in Yordan, bo noponag kon tubig tatua poḷat dinumoḷop kopitu ná inta pinoguman i Elisa. Dá nopiadon in ki Naaman. Nosehatdon bui in awaknea naonda bo awak in tayowmobiag.

DATU MITA 2 6:11

Aidnea tatua totok in nokoyaat kon gina i datu in Siria, dá nogoinídon in sia kon itoi mita in tontaranea bo noḻibó, “Notantú bidon kon sigad naton naa oyúon in nongaḻedow. Ki ine? Potaaudon mangoi!”

DATU MITA 2 6:9

Táe ki Elisa in nokidia in habar kon i datu in Israel sin mobogoi in tompoingat sinbá diá mayá in tampat tatua, sin intau mita in Siria in biasamai in mayá mongin daḷan tatua.

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

AMSAL 27:12

Intau mobijaksana momarut aka mokoontong kon anib; intau bodok mayá turus bo koantugan in bodito.

YEREMIA 11:18

Ki Tuhan in nopotaau kon inakó in tomayá moraat in musungku mita kon inakó.

MATIUS 2:12

Bo popisí in mosia aindon kinoyowan kon bonu in togoindop sinbá donaaidon mayá bui kon i Herodes. Dá mosia nobuidon kon ḻipú monia tontaní táe nongin daḷan ibaneadon.

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

OUMAN IN RASUL MITA 27:24

Bo noguman, ‘Dika moondok, Paulus! Sin moyotayowbí i Kaisar in iko. Bo totuubí kon popisí in totabi i Allah kon inimu dá bayongan in intau kon kapaḷ tanaa inta noyotakinmu mosaḷamatbí komintan.’

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.