DATU MITA 2 5:6 - Alkitab Singog In Mongondow Masa In Tanaa

⁶ Nanaa in bonu in surat inta dinianea tatua: “Pongin surat tanaa potaaukudon kon i Tuang, kon tongguḷu totok in tontaraku in ki Naaman, bo poigumon sinbá undamanpa i Tuang in takitnea.”

DATU MITA 2 5:6 ပူးပေါင်းရင်းမြစ်များ

DATU MITA 2 10:2

“Ki adí bo ki ompu i Ahab kon bonu in ḻima monimu, bo kon i monimu in oyúon kereta in parang, kabaḷo bo pakakat in parang bo kotá inta oyúon in poḷoḷukadan. Tuamai, koḷamemetdon naonda in moiko motarima kon surat tanaa,

DATU MITA 2 5:5

Ki datu in noguman, “Mopia, bayádon kon i datu in Israel. Bain momais kon surat in akuoi kon inia.” Dá nobuatdon in ki Naaman kodia-dia in doit saḷaka 30.000, doit buḷawan 6.000, bo mopuḷú nogapang in ḷambung inta mongopia.

DATU MITA 2 5:7

Naonda in binaca i datu in Israel in surat tatua, nomera-merak in sia kon ḷambungnea sin nohawatir, poḷat noguman, “Mobodito, nongonubí degá sin ki datu in Siria tatua in nopoigumbí sinbá undamanku in intau tanaa? Deemanbí in akuoi ki Allah inta oyúon in kawasa momiag andeka momatoi kon intau! Notantú bidon kon ki datu in Siria tua in tongábí motayak kon soaḷ kon inakó!”