DATU MITA 2 5:5 - Alkitab Singog In Mongondow Masa In Tanaa

⁵ Ki datu in noguman, “Mopia, bayádon kon i datu in Israel. Bain momais kon surat in akuoi kon inia.” Dá nobuatdon in ki Naaman kodia-dia in doit saḷaka 30.000, doit buḷawan 6.000, bo mopuḷú nogapang in ḷambung inta mongopia.

DATU MITA 2 5:5 ပူးပေါင်းရင်းမြစ်များ

KINOBAḺIAN 11:3

Mosia in nosigumanan tobatú bo tobatú, nanaa: “Igai, kita in mogaid kon tela bo tubáan naton dapot in motogat.” Natuata in mosia nogaid kon tela inta motaau pakéon kon bangunan, bo aspal in pakéon monia pongompit.

KINOBAḺIAN 11:7

Maníka kita in momangoi bo mopotombauk in bahasa monia sinbá diádon mosia mosimangaḻean kon singog in tobatú bo tobatú.”

KINOBAḺIAN 45:22

Inogoiannea doman kon i monia in tumongo par mako in ḷambung mobagu, bo ki Benyamin inogoiannea doman in doit toḷu nogatut doit in saḷaka bo ḻima doman no par in ḷambung nobagu.

DATU MITA IMITÁNEA 13:7

Onda intua ki datu in noguman kon i nabi tatua, “Koḻigai mongaanpa kon baḷoiku. Bain ogoianku in tombuinag in iko.”

DATU MITA IMITÁNEA 22:3

Munadon in ki Ahab noguman kon porwiranea mita, “Kinotaauandon monimu kon kotá in Ramot kon Gilead tua in kitabí in kitogi! Nongonu sin diábí bui agowon naton nongkon i datu in Siria?”

DATU MITA 2 4:42

Kon wakutu ibanea doman, ḷoḷaki tobatú in namangoi nongkon Baal-Salisa. Pinodiaannea mangoi in ki Elisa kon gandum inta bagupa iratab bo roti doman doyowa nopuḷú inta pinomia nongkon gandum bungainea dungkuḷ totok kon taong tatua. Pinoki silai i Elisa in roti mita tatua kon nabi mita tatua,

DATU MITA 2 5:4

Naonda in kinodongogan i Naaman in tosingogon tatua, minayá in sia kon i datu bo inoumannea onu inta pinoguman in adí bobay tatua.

DATU MITA 2 5:6

Nanaa in bonu in surat inta dinianea tatua: “Pongin surat tanaa potaaukudon kon i Tuang, kon tongguḷu totok in tontaraku in ki Naaman, bo poigumon sinbá undamanpa i Tuang in takitnea.”

AMSAL 18:16

Tombuinag momukat kon daḷan bo mogatod kon intau mayá kon intau mita moḷoben.

MOHOHUTUBA 2:1

Sinimpodkudon kon tongádon moposanang in gina sinbá monotaaudon kon onu in kopiaan. Táe noniata magí diábí doman in mangaḻe intua.

YESAYA 5:5

Nanaa in aidan-Ku kon gobá in anggur-Ku tatua: Tondok inta pinoḻibu in rabuton-Ku, dinding inta pinogoḻingoi kon inia in umpagon-Ku, bo pinomayá-Ku mako in mahaḷuk moraat momoguyaat bo moritak-ritak mako kon inia.

PINOGIAPAN 22:7

Dá minayádon in itoi mita in intau Moab bo Midian tua takin kodia-dia in tondan poguboḻi kon i Bileam sinbá moibog in sia mongutuk kon intau in Israel. Naonda in noiyaput kon i Bileam, mosia nopotaaudon in koyow i Datu Balak.

YAKOBUS 4:13

Utat mita inta nosingog: “Singgai naa ande ikoḷom kami in mayá in kotá i Kuon bo mogutun kon tua totaong in koonggotnea sin modagang bo motayak kon doit,” – indongogai in tongginaku tanaa.

HAKIM MITA 14:12

Bo ki Simson noguman kon i monia, “Oyúon in tangkíku. Aka kotaauan monimu, yo ogoianku in moiko kon batúannea in kaeng lenan inta moaḷus bo tumongo par in pakeang inta mogaga. Moiko in ogoianku in wakutu pitu nosinggai kon dodai in oyúonpa in rame tanaa, in motayak kon onu in mangaḻenea.