DATU MITA 2 5:20 - Alkitab Singog In Mongondow Masa In Tanaa

²⁰ ki Gehazi bobantung i Elisa, in norai, “Nongonu sin pinomayábí mako in sia in minayá takin diá noguboḻi? Sabanarnea in mustibí in ki tuangku motarima kon onu in ogoi in intau in Siria tatua! Podoyon kon i Tuhan inta nobiag, mustibí batukonku in sia bo moigum kon onu inta oyúon kon inia!”

DATU MITA 2 5:20 ပူးပေါင်းရင်းမြစ်များ

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

DATU MITA 2 13:19

Sinumorú in ki Elisa bo noguman, “Sabanarnea iko in mondodotbí moidapot in koḻima andeka koonom, dá korimumudanmudon in bangusa in Siria. Táe tanaa iko in monaḷowbí kon inia tongá moidapot in kotoḷu.”

DATU MITA 2 4:12

nopotabá in sia kon i Gehazi, bobantungnea, minayá nokioiní in bobay tatua. Naonda in bobay tatua namangoi,

DATU MITA 2 4:25

Dá nobuatdon in bobay tatua minayá in Buḷud in Karmel kon tampat i Elisa. Nongkon noyayúpa inontongdon i Elisa in bobay tatua nopoangoi. Ki Elisa in noguman kon i Gehazi, “Indoiai, ki iná nongkon Sunem tatua in namangoi!

DATU MITA 2 4:31

Ki Gehazi in inumunadon kon i monia sin mopoukat in tungkud i Elisa kon awak in adí tatua, táe diábí in singog andeka tomponuot ibanea kon mobiag in adí tatua. Bo minayádon in ki Gehazi nokipodungkuḷ kon i Elisa bo noguman, “Diábí nobangon in adí tatua.”

DATU MITA 2 4:36

Ki Elisa nopotabá kon i Gehazi nogoiní kon i iná in adí tatua, bo naonda in sinumuot in ki iná in adí tatua, nogumandon in ki Elisa kon inia, “Naa iná in ki adímu.”

DATU MITA 2 5:16

Tubag i Elisa, “Podoyon kon i Tuhan inta nobiag, inta inundoiku, diábí in akuoi motarima kon tombuinag onuka.” Ki Naaman in nomakisa sinbá moibog in ki Elisa kon onu in ogoinea tatua, táe doíbí in ki Elisa.

DATU MITA 2 5:21

Bo nomatukdon in ki Gehazi kon i Naaman. Naonda in inontong i Naaman kon oyúon in intau namangoi, noponag in sia kon keretanea bo noḻibó, “Nongonu uḻe?”

DATU MITA 2 6:31

Ki datu in nomaḷú, “Singgai doman naa ki Elisa in mustibí matoi. Pobiódon mako ki Allah in mohukum kobogaton totok aka diá ḻimodonku in ki Elisa!”

DATU MITA 2 8:4

Kon dodai intua ki Gehazi bobantung i Elisa pinoki oumanandon i datu kon bayongan inta mokoherang inta inaidan i Elisa.

DATU MITA 2 8:7

Kon wakutu tobatú minayá in ki Elisa in Damsyik. Noitongkanábí kon ki Datu Benhadad notakit. Naonda in kinodongogan i datu kon ki Elisa in kon Damsyik,

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

IḶUAIAN 20:17

Dika moibog in sinitogi in intau ibanea: baḷoinea, ki buḷoinea bobay, atanea mita, bobiagonnea, keledainea, ande onuka inta nobaḻí sinitoginea.”

IḶUAIAN 20:7

Dika morotag kon tangoi-Ku, sin Akuoi, ki Tuhan Allahmu, in mohukumbí kon i ineka inta mopomia ibo-ibog kon tangoi-Ku.

AMSAL 26:16

Intau maḷat in monganggap kon siabí in motaa-taau nongkon intau pitu inta moitutui in pinototubag.

YESAYA 48:1

Indongogai, ei buí i Yakub, buí in Yohuda inta nomaké in tangoi in Israel, kainimu in inakumu in Allah in Israel, bo nongibot pinodoyon kon tangoi Tuhan. Táe tosingogonmu mita tua in diábí totuu.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

HABAKUK 2:9

Kinutukdon in iko! Iko in mopooyúon in motoḷuadímu pongin kauntungan inta nouḻímu pinodoyon kon aid moḻingá, sinbá baḷoimu tontaní in moodom bo moiḷagui nongkon susa bo bodito.

MATIUS 10:4

ki Simon intau in Zelot bo ki Yudas Iskariot inta nomaḻidawan kon i Yesus.

MATIUS 26:9

Ḷana tanion motaaubí potaḷuimu bo doit boḻinea in motaaumu ogoi kon intau inta nongobogá!”

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

LUKAS 16:8

Dá pinuji i tuangnea in bendahara inta diá mojujur tatua popisí in mobayong in akaḷnea; sin intau mita inta modunia in mopando-pandoi monompira kon oaidan monia dika in intau mita inta nobiag kon nobayag.”

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

YOHANES 6:70

Ki Yesus in notubag: “Kinotaauan bidon monimu kon Akuoibí in nomiḻí kon i monimu mopuḷú bodoyowá naa? Tongá tobatú kon sigad monimu nion in kinawasa in Ibilis!”

OUMAN IN RASUL MITA 5:2

Iyosingogdon muna nayadua motonibuḷoi tua, kon boḻinea tobotak tagúon monia sin pakéon tontaní yo tobotak in ogoi kon rasul mita.

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

TITUS 1:7

Sin itoi kon jamaat tua in mogaidbí kon oaidan i Allah, manangka intua mustibí intau inta mopia, diá mododia bo diá morogi, deemanbí intau inta umuran moḷoḷangu, deeman doman intau inta moibog-ibog motayak kon mokorogenggeng bo diá doman dinoit.

PETRUS 1 5:2

ḷukadaibí monimu kopiaraan in domba i Allah inta ain pinosarakan kon i monimu. Ḷukadai takin sanang in gina ná inta kinoibog i Allah, dikabí tongá pakisa in gina. Bo dika doman mogaid kon oaidan tatua tongá sakadar motayak kon kauntungan tontaní, táe aidaibí intua sin lantaranbí moiko totu-totuubí moibog mopobayá in oaidan i Allah.

SAMUEL 1 14:39

Akuoi in modandi podoyon kon i Tuhan inta nobiag, inta ain nobogoi in kauntungan kon Israel, kon intau inta ain nogaid kon noitaḷá in hukumonbí matoi, umpakabí ki Yonatan adíku in sia.” Táe diá tobatúmai in mokobaḻí motubag kon inia.