DATU MITA 2 5:10 - Alkitab Singog In Mongondow Masa In Tanaa

¹⁰ Ki Elisa in nopotabá kon bobantungnea sin moguman nanaa kon i Naaman, “Bayádon Tuang poinggú bo dumoḷop kopitu kon Ongkag in Yordan, dá totu-totuubí kon mopia in ki Tuang.”

DATU MITA 2 5:10 ပူးပေါင်းရင်းမြစ်များ

DATU MITA 2 2:21

Bo minayádon in ki Elisa kon uḷuan in ongkag tatua bo noponabud in simuton tatua kon bonu in tubig bo noguman, “Naadon inta siningog i Tuhan: ‘Tompiaan-Kudon in tubig tanaa sinbá diádon mokopopisí kon kopatoian andeka koukaian!’ ”

DATU MITA 2 3:16

dá noguman in sia, “Naabí in pinoguman i Tuhan: ‘Pomiadon kon got mita kon bandungan tanaa.

DATU MITA 2 4:35

Nobangon in ki Elisa bo nodondaḷoi kon bonu in gopot tatua, onda intua bui sinumongkob kon awak in adí tatua. Imbuitnea nobaan kopitu in adí tatua, bo binukáneadon in matanea.

DATU MITA 2 4:41

Dá pinoki gamáan i Elisa in topong topiḻik, bo pinopobubudnea kon bonu in bejana tatua. Nopaḷut mako kon tua noguman in sia, “Silaidon bui in onu inta dinungú tatua.” Indoianmai dá diádon mokobodito in kokaanon tatua.

DATU MITA 2 5:11

Nokodongogmai kon tua, sinumorú in ki Naaman bo noguman, “Kon inakó kamai dá siabí tontaní in ḷumuai bo mokipodungkuḷ kon inakó, bo mosambayang kon i Tuhan, Allahnea, bo moyapu kon awakku inta kinotugatan in takit tatua bo mopiadon in akuoi.

DATU MITA 2 5:14

Tuamai in minayádon in ki Naaman kon Ongkag in Yordan, bo noponag kon tubig tatua poḷat dinumoḷop kopitu ná inta pinoguman i Elisa. Dá nopiadon in ki Naaman. Nosehatdon bui in awaknea naonda bo awak in tayowmobiag.

DATU MITA 2 5:9

Tuamai in nobuatdon in ki Naaman takin kereta in kabaḷonea minayá in baḷoi i Elisa, bo sinumogon kon muna in baḷoi.

IḶUAIAN 4:18

Nopaḷut mako kon tua ki Musa nobui kon baḷoi i Yitro, ki nunutonnea, bo noguman kon inia, “Ogoiaipa akuoi in wakutu mobui kon Mesir sin mayá moindoi kon i utatku mita bo moindoi doman mongo nongobiagpa in mosia.” Ki Yitro in noguman kon i Musa, “Bayádon takin pia-pia mako.”

IMAMAT 13:58

Aka naonda in binatáan mako bo batangan in pinonopadan kon barang tatua noinggamá, dá barang tatua musti batáan bui, bain tua bo anggapon nodarit.

IMAMAT 14:16

Naonda in mopaḷut mako sia mopoḷodok in gongguyamú in ḻimanea koḷanan kon bonu in ḷana, bo popopisik kopitu kon bonu in Ḷoḷaigan i Tuhan.

IMAMAT 14:51

Bo kayu ḷokuyú, tali nopura, hisop bo ḷagapan inta nobiagpa tatua musti poḷodok kon bonu in dugú in ḷagapan inta ain iratá bo kon bonu in tubig inta modarit tatua. Mopaḷut mako kon tua baḷoi tatua musti pisikannea kopitu.

IMAMAT 14:7

Pisikan i imang in dugú in ḷagapan tatua kopitu in intau inta ain nopia, bo poniata kon sia tua ain nopia, bo poniata doman kon sia in nodarit. Bo ḷagapan inta nobiagpa tatua musti bayáannea buḻian kon padang gurun.

IMAMAT 16:14

Bo ki Harun musti mogamá kon dugú in sapi topiḻik, bo takin gongguyamúnea tontaní popopisiknea in dugú tatua kon dotá in muna in taḷob in Poti Dodandian bo kopitu doman kon muna in Poti.

IMAMAT 16:19

Musti gongguyamúnea tontaní in pakéonnea mopopisik in dugú topiḻik kopitu kon tudu in mezbah. Natuata in pogogaid ki Harun mondarit kon mezbah nongkon kinonajisan in bangusa Israel, sinbá mobaḻí modarit.

PINOGIAPAN 19:19

Musti in sia momisik kon singgai nogintoḷu bo kon singgai noginpitu. Kon singgai noginpitu tatua nopaḷutdon in upacara ponusian kon intau inta nonajis tatua. Intau tatua musti momatá kon pakeangnea bo moinggú. Pangkoion kon tumoyop mata in singgai sia in modaritdon.

PINOGIAPAN 19:4

Bo ki Imang Eleazar musti mogamá kon dugú in bobiagon tatua topiḻik bo popopisiknea kopitu potayow kon Ḷoḷaigan i Tuhan.

YOHANES 5:4

Sin oyúon inta moiangoi in malaekat i Tuhan moponag kon tabang tatua bo moḻimbok kon tubignea. Bo intau motakit inta muna ḷumabú kon tabang tatua wakutu in moḻimbok, mopia onukabí in takitnea.]

YOHANES 9:7

Onda intua pinoyapu-Nea kon mata intau bilog tatua, poḷat noguman, “bayádon pongiamot kon tabang Siloam.” (Siloam mangaḻenea ‘Pinotabá’.) Dá intau tatua in minayádon doman nongiamot. Dodai in sia nobuidon mangoi, sia in nokoontongdon.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

YOSUA 6:4

Imang pitu, motukid in torompet, musti mayá kon muna in Poti Dodandian. Kon singgai noginpitu, iko takin tontaramu in musti moḻibu kon kotá tatua kopitu bo kon dodai doman intua imang mita musti mogirup kon torompetnea.