DATU MITA 2 4:8 - Alkitab Singog In Mongondow Masa In Tanaa

⁸ Kon Sunem oyúon in bobay tobatú inta nooyúon. Kon singgai tobatú kon dodai in ki Elisa minayá in Sunem, bobay tatua in nogoiní kon inia nongaan. Pinangkoi kon tua pomuḷoi in ki Elisa mongandup kon Sunem mongaan in sia kon baḷoi in bobay tatua.

DATU MITA 2 4:8 ပူးပေါင်းရင်းမြစ်များ

KINOBAḺIAN 19:3

Ki Lot in nopoigum totok, dá aher mako mosia in sinumuotdon noyotakin kon baḷoi Lot. Ki Lot in nogoḷudon kon kaanon inta totok in mopia in nanamnea bo nomia doman kon roti inta tugat kinaan monia, bo nongaandon in mosia.

SAMUEL 2 19:32

Ki Barzilai in nogoguyangdon totok, umurnea in waḷudon nopuḷú notaong. Sia in nobiag nooyúon totok bo kon dodai in ki datu nogutun kon Mahanaim koḻipod, ki Barzilai naa inta nopooyúon in kaanon i datu.

DATU MITA IMITÁNEA 1:3

Bo sinayakdon kon bayongan in Israel in mongodeaga tobatú inta totok in moḷunat. Dá nouḻídon kon Sunem in mongodeaga tobatú inta totok in moḷunat tangoinea in ki Abisag. Dinia in sia minayá kon i datu, bo iḷukadannea in ki datu poḷat sinompiamai. Táe diábí siniugan i datu in sia.

DATU MITA 2 4:18

Naonda in adí tatua noitoidon, kon singgai tobatú kon sempo in pobatunan kon bungai in boyó, adí tatua in minayá kon i amánea inta kon gobá noyotakin in mororatab mita.

AYUB 1:3

Koḻikud intua nobayong doman in atanea, dombanea in 7.000, unta in 3.000, sapi in 1.000, bo keledai in 500. Impoḷok mako in singog, sia tua in intau inta totok in nooyúon kon sigad in intau inta nogutun kon butá kon dotá in pomukaan.

AYUB 32:9

Intau mobaḻí moarip, deemanbí popisí in nogurangdon in kobiagannea; intau in nonotaau kon inta mobanar, deemanbí popisí in nobarongdon in umurnea.

AMSAL 7:21

Natuata in pinodondouḷug in bobay tatua kon tayow mobiag tatua pinongin dondouḷug mita inta mokosanang dá kinogodaandon in sia.

MATIUS 25:17

Ná doman tua in simpaḷ inta nokouḻí kon doyowa noribu, pinobaragunanea doman intua, sahingga in nokouḻí doman kon kauntungan doyowa noribu.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 14:23

Dá kai tuangnea doman, ‘Bayádon in daḷan mita moḷoben bo loro-lorongannea kon ḷuai in kotá bo pakisadon in mosia dia mangoi sinbá mopuḻing in baḷoiku naa.

LUKAS 24:29

táe sinahangdon monia in Sia, takin noguman, “Pongandupa kon tampat nami naa sin aindon modoḷom.” Dá nongandupdon in Sia bo nogogai takin monia kon tua.

OUMAN IN RASUL MITA 16:15

Dá mosia tobaḷoian in nodait binaptis. Naonda in nopaḷut binaptis, inoinínea in kami poḷat noguman in sia, “Aka rasaanmai i utat mita kon akuoi in totu-totuu bidon mopirisaya kon i Tuhan Yesus, dá koḻigai mongandupa kon baḷoiku.” Totoknea in pakisaan sinbá duduianpa nami in oigumnea tatua.

YOSUA 19:18

Noibonu kon butá monia tua in: Yizreel, Khesulot, Sunem,

HAKIM MITA 19:20

Bo intau tatua noguman, “Dika moḻia-ḻiaw in gina, bain tuḷunganku. Dikadon mosiug kon ḷoḻitúan tanaa.”

SAMUEL 1 28:4

Dá naonda in tontara in Pilistin noyosipun bo nononḷoḷaigan kon diug in kotá in Sunem, ki Saul nosipundon kon intau in Israel, bo nononḷoḷaigan in mosia kon Buḷud in Gilboa.