DATU MITA 2 4:6 - Alkitab Singog In Mongondow Masa In Tanaa

⁶ Naonda in botoḷ mita tatua nopuḻingdon komintan, noigumpa bui in sia kon botoḷ tobatú. “Nodaitdon,” tubag i adínea tobatú. Dá diádon in ḷana tatua iḻumuai.

DATU MITA 2 4:6 ပူးပေါင်းရင်းမြစ်များ

DATU MITA IMITÁNEA 17:14

Sin ki Tuhan, Allah inta sinumba in intau in Israel, in noguman kon palo tatua in umuranbí doman kon bonu in topong, bo botoḷ tatua in umuranbí doman kon bonu in ḷana modapot kon singgai ki Tuhan mopoonagdon in uyan kon butá.”

DATU MITA 2 13:19

Sinumorú in ki Elisa bo noguman, “Sabanarnea iko in mondodotbí moidapot in koḻima andeka koonom, dá korimumudanmudon in bangusa in Siria. Táe tanaa iko in monaḷowbí kon inia tongá moidapot in kotoḷu.”

DATU MITA 2 4:5

Dá nobuidon in bobay tatua kon baḷoinea. Naonda in sia bo ki adínea mita sinumuot bo noḻingkop kon ḷoḻingkop in baḷoi, sia in nogamá kon botoḷ nointok inta kon bonu in ḷana zaitun tatua, bo nogaḻin kon ḷana tatua kon botoḷ mita inta inogoi i adínea mita kon inia.

MATIUS 13:58

Bo popisí in diá in pirisaya monia, dá diá nobayong in soaḷ inta mokoherang in pinomia-Nea kon tua.

MATIUS 14:20

Mosia komintan in nongaan dapot in nobotug. Onda intua sinipun mita in intau in ki agat in roti tatua; nosipun magí mopuḷúpa bodoyowá nokompé in nopuḻing.

MATIUS 15:37

Mosia nongaan komintan dapot in nobotug. Nopaḷut mako sinipun in murí-Nea mita in ki agat in roti tatua. Nosipun magí pitupa nokompé in nopuḻing.

MATIUS 9:29

Bo kinadaian i Yesus in mata monia poḷat nosingog, “Popisí in moiko mopirisaya dá kobaḻídon onu inta kinoibog monimu.”

LUKAS 6:19

Komintan intau in moḷongasi moḻiai kon i Yesus, sin oyúon in kawasa ḷumuai nongkon i-Nia inta mokopia kon i monia komintan.

YOHANES 6:12

Naonda in komintandon nongaan nobotug, ki Yesus noguman kon murí-Nea mita, “Sipundon in ki agat mita in roti inta diá kinaan monia sinbá diá mogoguyaat.”

YOSUA 5:12

Kon singgai doman tatua manna diádon noḷabú nongkon ḷangit, bo intau in Israel nogogaidon nokaan kon manna. Nongkon dodaidon intua mosia nokaan kon bungai in boyó kon butá in Kanaan.