DATU MITA 2 4:27 - Alkitab Singog In Mongondow Masa In Tanaa

²⁷ Táe naonda in noiyaput kon tayowon i Elisa, sinumungkud in sia bo ginumakap kon sioḷ i Elisa. Táe dinimiugdon in ki Gehazi sin mopotabá kon inia mayá nongkon tua, táe noguman in ki Elisa, “Biódon mako! Koontongan kon morobonoḷ totok in dodobnea. Táe diábí in pinotaau i Tuhan kon inakó!”

DATU MITA 2 4:27 ပူးပေါင်းရင်းမြစ်များ

KINOBAḺIAN 18:17

Ki Tuhan nosingog kon bonu in gina, “Diábí bunion-Ku kon i Abraham onu in pomiaan-Ku.

SAMUEL 2 7:3

Tubag i Natan, “Aidaidon in bayongan inta i niat i Tuang datu, sin ki Tuhan in notuḷung kon i Tuang datu.”

DATU MITA 2 4:25

Dá nobuatdon in bobay tatua minayá in Buḷud in Karmel kon tampat i Elisa. Nongkon noyayúpa inontongdon i Elisa in bobay tatua nopoangoi. Ki Elisa in noguman kon i Gehazi, “Indoiai, ki iná nongkon Sunem tatua in namangoi!

DATU MITA 2 4:26

Koḻikatdon bayá pokipodungkuḷai in sia bo ḻibó mongo naonda in kaadaan in motoḷuadínea.” “Mopiabí komintan,” guman in bobay tatua kon i Gehazi.

DATU MITA 2 6:12

Tobatú kon sigad in itoi mita in tontara tatua in notubag, “Diábí in tobatúmai, Tuang Datu. Ki Nabi Elisabí tua in nokopopisí tatua! Siabí in nopotaau kon i datu in Israel onu inta siningog i Tuang Datu, umpakabí siningog intua kon bonu in gopot.”

AYUB 10:1

Akuoi in mobú bo morongó kon kobiaganku, dá oumanonkudon in roriga in dimukudku.

AMSAL 14:10

Ḷunganga andeka robonoḷ in gina in noinonombí kon bonu in dodob; intau ibanea in diábí moitakin mokorasa kon tua.

AMSAL 18:14

Popisí in ibog mobiag, intau in mokopotaanbí kon roriga; moinggamá in ibog tatua, moinggamá doman in bayongan kamang.

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

MATIUS 15:23

Tongá diá sinubagan i Yesus in sia, bo murí-Nea mita in namangoi bo noguman kon i-Nia, “Pokibayáaidon mako in sia, sin sia in umuran doman mako dumudui kon i naton bo momaḷú!”

MATIUS 20:31

Táe intau moantó tatua in nongampag kon i monia, sinbá mosia in kibio-biómaidon, táe tongábí mokodugang kon ropot monia momaḷú, “Tuhan, Adí i Daud, kotabipa in kami!”

MATIUS 28:9

Bo ki Yesus in noyodungkuḷ monia bo noguman, “Salam kon inimu!” Dinimiug in mosia kon i-Nia bo ginumakap kon sioḷ-Nea bo nosumba doman kon i-Nia.

MARKUS 10:13

Noidudui kon tua, intau mita nodia kon mongoadí mita kon i Yesus sinbá barakatan-Nea in mosia. Táe sinorúan in murí-Nea mita in intau mita tatua.

MARKUS 14:6

Táe ki Yesus in noguman, “Pomayádon mako in pogaidannea kon tua! Nongonu sin moposusabímai kon ginanea in moiko? Sia in nogaidon kon soaḷ inta mopia kon i-Nakó bo patus dayowon.

LUKAS 7:38

Koomba-ombaḷ in sia namangoi sinimindog kon diug in sioḷ i Yesus, dá sioḷ i Yesus nobuntad in ḷuánea. Táe kon dodaipa doman tatua sioḷ i Yesus iningkagannea in buoknea tontaní, bodongka inayokannea in sioḷ i Yesus bo binutakkannea in ḷana nobondu inta kodia-dianea tatua.

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

YOHANES 4:27

Bo dodai intua murí mita i Yesus noiangoidon bui. Mosia in noherang totok in nokoontong kon i Yesus nongonguman takin tobatú bobay. Táe diá in tobatúmai in mosia in nokobaḻí noḻibó kon bobay tatua, “Onu in paraḷu i iná?” andeka noḻibó kon i Yesus, “Mongo onu in inouman i Amá takin bobay tatua?”