DATU MITA 2 4:20 - Alkitab Singog In Mongondow Masa In Tanaa

²⁰ Adí tatua in dinia pinobayá kon i inánea, bo kinoyotan i inánea in sia. Naonda in ḷoḷabungnea minatoi in adí tatua.

DATU MITA 2 4:20 ပူးပေါင်းရင်းမြစ်များ

KINOBAḺIAN 22:2

Guman i Allah, “Bayádon kon butá in Moria takin ki Ishak, ki adímu tuḷong tua, inta totok in kinotabimu tua. Kon tua, kon buḷud tobatú inta tundúon-Ku kon inimu, posumbadon in ki adímu tatua kon i-Nakó mobaḻí kuruban inta tubáan.”

KINOBAḺIAN 37:3

Tabi i Yakub kon i Yusup noiḻiu kon tabinea kon i adínea mita ibanea, sin ki Yusup in pinononggadí kon wakutu in ki amánea nogoguyangdon. Kon singgai tobatú ki Yusup pinogaidannea kon jubah tobatú inta totok in mogaga.

KINOBAḺIAN 37:5

Kon doḷom tobatú ki Yusup sinumogoindop, bo naonda inoumannea kon i guya-guyangnea in togoindopnea tatua, nodugangdon noyaat in gina monia kon inia.

DATU MITA IMITÁNEA 17:17

Diá noonggot kon tua adí in boba-bobay tatua notakit. Koonggot-koonggot koyoyiga-koyoyiga in takitnea nodapot in minatoi.

DATU MITA 2 4:19

Bo daḻídon in adí tatua nomaḷú kon i amánea, “Adodoia! Monakit totok in uḷuku!” “Diadon in adí tatua kon i inánea,” guman i amánea kon bobantungnea.

DATU MITA 2 4:21

Dinia i inánea namonik, kon gopot i Elisa, bo pinopouḻidnea kon tosiugan. Onda intua iḻumuai in sia bo iḻingkopannea in ḷoḻingkop,

YESAYA 49:15

Ki Tuhan in notubag, kai-Nia, “Degá iná tobatú mokoḻiong kon i adínea, bo diá motabi kon i adínea inoyod? Umpaka in sia mokoḻiong, Akuoi in diábí mokoḻiong kon inimu!

YESAYA 66:13

Akuoi in moḻipoi kon i monimu kon Yerusalem, naonda bo ki iná inta moḻipoi kon i adínea.

LUKAS 2:35

bo iko Maria in mokorasa naonda bo tura-turakon in pitow, táe Adí tanaa in mobuká kon onu inta noibuni kon gina in intau moantó.”

LUKAS 7:12

Naonda in mosia nodiugdon kon ngara in kotá tatua. Mosia noyodungkuḷ in intau mita inta nobuḻig kon minatoi sin poḷuai in kotá. Intau minatoi tatua in adí ḷoḷaki, adí tuḷong in intau inta boba-bobay. Nobarong intau in nongkon kotá tatua in dinumudui kon i iná in adí tatua.

YOHANES 11:14

Tuamai in pinogumandon i Yesus taran-tarangan, “Ki Lazarus minatoidon.

YOHANES 11:3

Dá ki Maria bo ki Marta naa in minayá kon i Yesus bo nopotaau; “Tuhan, ki utat nami inta totok in kinotabi Tuhan tua notakit.”

YOHANES 11:5

Ki Yesus in motabibí kon i Maria, kon i Marta bo kon i Lazarus ki utat monia.