DATU MITA 2 4:2 - Alkitab Singog In Mongondow Masa In Tanaa

² “Naonda in pototuḷungku kon i iná?” iḻibó i Elisa. “Onu in oyúon kon baḷoi i iná?” “Diábí koonu bo onu,” tubag in bobay tatua, “koḻikudbí in ḷana in zaitun tobotoḷ nointok.”

DATU MITA 2 4:2 ပူးပေါင်းရင်းမြစ်များ

DATU MITA IMITÁNEA 17:12

Boba-bobay tatua notubag, “Pinodoyon kon i Tuhan inta nobiag, Allah inta sinumba i Amá, akuoi in mongibot kon diábí in roti kon inakó. Kon inakó in dongkadon topong torigu toyoyakup kon bonu in palo, bo ḷana in zaitun topilik kon botoḷ. Akuoi in yogot mosipun kon kayu pondungú tanaa sin podungúan kon bahan tongopilikpa tatua, sinbá akuoi bo ki adíku in mongaanpa. Dongkadon tua in imbuitnea in kaanon nami, bo mopaḷut mako kon tua mogoḷatdon mako in kami kon kopatoian.”

DATU MITA 2 2:9

Naonda in noiyaput in ḷoḷan, ki Elia in noguman kon i Elisa, “Igumdon onu in koibogmu kon inakó kon dodai in diápa diaan mamonik i Tuhan in akuoi bo monaḷámaidon kon inimu!” Ki Elisa in notubag, “Ogoidon kon inakó in kawasa i Amá, sinbá akuoi in mobaḻídon toḻiu i Amá.”

DATU MITA 2 4:3

Ki Elisa in noguman, “Bayádon poḷuan kon botoḷ kobayongon inta diá in bonunea kon topodiugmai i iná.

IḶUAIAN 4:2

Ki Tuhan in noḻibó kon i Musa, “Onu in kokada-kadaimu nion?” Tubag i Musa, “Tungkud”.

MATIUS 15:34

Ki Yesus in noḻibó kon i monia, “Tongonu in roti nion kon i monimu?” “Pitu”. tubag monia, “bo oyúon doman tongonumai in toyá inta mongointok.”

OUMAN IN RASUL MITA 3:6

Táe ki Petrus in noguman kon inia, “Aka doit yo diábí in kon inakó naa, táe onu in kon inakó ogoikubí kon inimu: Podoyon kon tangoi i Yesus Kristus intau in Nazaret tatua, mokobayádon in iko!”

KORINTUS 2 6:10

Umpakabí pinokuyang monia in gina nami, táe umuranbí moḷunganga in gina nami. Kami in koontongan nobiag nobogá, táe nobayongdon intau in binaḻí nami nooyúon. Koontongan kami diá kon onu bo onu, táe sabanarnea bayongan rupa-rupa oyúonbí kon i nami.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.