DATU MITA 2 4:13 - Alkitab Singog In Mongondow Masa In Tanaa

¹³ ki Elisa in noguman kon i Gehazi, “Ḻibódon kon inia mongo naonda in pototuḻíku kon kopopianea kon inaton. Dika-dika ibogonnea akuoi in mayá bo mongonguman kon i datu andeka kon tongguḷu totokan in tontara bo mongonguman kon onu in paraḷunea.” Bobay tatua in notubag, “Akuoi in nogutun kon sigad in ginaḷumku bo diábí in diá in kon inakó naa.”

DATU MITA 2 4:13 ပူးပေါင်းရင်းမြစ်များ

KINOBAḺIAN 14:24

Akuoi in doíbí mogamá kon onu bo onu sin pakéonku tontaní. Akuoi in tongábí motarima kon onu inta ain pinaké in intauku mita. Táe pomayádon mako in yobayatku mita inta notobatú takinku tua, inta ki Aner, ki Eskol bo ki Mamre, mogamá kon silai monia.”

SAMUEL 2 19:13

Ki Daud in nopotabá doman kon i monia moguman kon i Amasa nanaa, “Iko nion in ginaḷumkubi! Pinangkoi kon tanaa mako iko in baḻíonkudon tongguḷu totok in tontaraku momaḷui kon i Yoab. Igumon mako ki Allah in moḻimod kon inakó aka diá aidanku intua!”

DATU MITA IMITÁNEA 2:32

Ki Tuhan in mohukum kon inia popisí in sia noḻimod diá kinotaa-taauanmai i amáku. Ki Abner porwira in Israel, bo ki Amasa porwira in Yohuda, taya dua in tumpaḷa diá kotaḷá. Mosiabí in mopia-pia nongkon i Yoab, táe iḻimodnea in mosia.

DATU MITA 2 4:12

nopotabá in sia kon i Gehazi, bobantungnea, minayá nokioiní in bobay tatua. Naonda in bobay tatua namangoi,

DATU MITA 2 4:14

Dá noḻibódon in ki Elisa kon i Gehazi, “Aka natua, onu in motaau pomiaanku kon inia?” Ki Gehazi in notubag, “Diá in sia kogadí, Amá, bo ki buḷoinea in noguyangdon.”

DATU MITA 2 8:1

Kon wakutu tobatú ki Tuhan nopoangoi in bodito malarat in kaanon kon butá in Israel inta nobaḻí pitu notaong in koonggotnea. Kon tungkuḷ in diápa nobaḻí intua munadon pinotaau i Elisa intua kon bobay nongkon Sunem inta ki adínea in biniagneadon bui. Pinoki pomampingan domandon i Elisa in sia takin motoḷuadínea kon ḻipú ibanea.

DATU MITA 2 9:5

bo noyodungkuḷ i Yehu bo tongguḷu totokan in tontara mita inta koyogot moyosingogmai kon tua. Nabi tatua in noguman, “Tuang, akuoi in nodia kon habar kon i Tuang.” Ki Yehu in notubag, “Kon i ine?” “Tongá kon i Tuang tontaní,” tubag i nabi tatua.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

SURAT I PAULUS KON JAMAAT RUM 16:2

Tarimadon in sia saḷaku tobatú umat i Tuhan. Mustibí natua in intau mita inta mopirisaya mositarimaan. Tuḷungai in sia aka oyúon in paraḷunea kon i monimu, sin sia tontaní ain notuḷung kon intau mobayong bo kon inakó doman.

SURAT I PAULUS KON JAMAAT RUM 16:6

Poyaputpa doman in salamku kon i Maria. Sia ain irumoriga totok in nogaid sin kopontingan monimu.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.