DATU MITA 2 4:10 - Alkitab Singog In Mongondow Masa In Tanaa

¹⁰ Maníka bo pogaidan naton kon gopot inta mointok kon ḻimonikan in baḷoi naton, bo posadiaan doman kon tosiugan, meja, kadera, bo togá sinbá motaau in sia mogutun kon naa pomuḷoi in sia mokipodungkuḷ kon inaton.”

DATU MITA 2 4:10 ပူးပေါင်းရင်းမြစ်များ

DATU MITA IMITÁNEA 17:19

Ki Elia in notubag, “Dia mangoi in adí tatua.” Bo ginamá i Elia in adí ḷoḷaki tatua nongkon i inánea, bo dinianea kon gopot kon ḷundukan, kon gopot inta posiuganmai i Elia. Pinosiug i Elia in adí tatua kon tosiugan,

DATU MITA 2 4:11

Kon singgai tobatú ki Elisa namangoi bui in Sunem. Naonda in sia noponik kon gopotnea sin mogogai,

YESAYA 32:8

Táe intau inta motuḻid in ginanea monomayá kon soaḷ mita inta mopia bo mogaid kon inta mopia doman.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MARKUS 9:41

Pokotorop! Intau inta nopoinum kon i monimu sin popisí in moiko murí i Datu Mopoposaḷamat, yo nopasti bidon kon motarima in sia kon bungainea.”

LUKAS 8:3

ki Yohana, inta ki buḷoi i Khuza, bendahara i Herodes; ki Susana, bo nobayongpa doman in bobay ibanea. Onu in pakéon monia kon tungkuḷ in nobantung kon i Yesus bo kon murí-Nea mita, sinanggungbí monia tontaní.

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

IBRANI 10:24

Bo kita in mustibí mosiindoian, sinbá umuran motaau mosiponoropan kon bá motabi kon tumpaḷa intau bo momia doman kon soaḷ mita inta mopia.

IBRANI 13:2

Dika moondo-ondok in motarima kon intau mita inta diápa nogogintaauan monimu aka mongandup in sia kon baḷoimu. Sin nokoimontandon in nobaḻí, oyúon intau in noibog pinongandupan in intau mita inta diá nogogintaauannea, bo naanta mosia tua in malaekatbí mita.