DATU MITA 2 3:3 - Alkitab Singog In Mongondow Masa In Tanaa

³ Tongá, ná ki Datu Yerobeam ki adí i Nebat inta nomarenta noiuna kon inia, sia in nokopopisí domandon kon intau in Israel binaradosa bo diá nogogai in nogaid kon natua.

DATU MITA 2 3:3 ပူးပေါင်းရင်းမြစ်များ

DATU MITA IMITÁNEA 13:33

Ki Datu Yerobeam in umuranbí doí monaḷámai kon oaidnea inta moraat. Bo noduí in sia kon imang mita nongkon motoḷuadí mita biasa sin monompia kon tampat mita pooibadaan inta ain pinosindognea. Ki inekabí in moibog, yo baḻíonneabí imang.

DATU MITA IMITÁNEA 14:16

Ki Tuhan in monaḷábímai kon Israel sin ki Yerobeam in binaradosa bo nokopopisídon kon intau in Israel binaradosa domandon.”

DATU MITA IMITÁNEA 14:9

Táe iko in nogaidon kon inta moraat noiḻiu kon inta inaidan monia inta nomarenta noiuna kon inimu. Iko in nonaḷámai kon i-Nakó bo nopomuká in torú-Ku sin nomia kon berhala bo patong mita nongkon logam sin sumbáan.

DATU MITA IMITÁNEA 15:26

Notongkai ná ki amánea inta nomarenta noiuna kon inia, nomia doman in sia kon moraat kon tayowon i Tuhan dá nokopopisídon kon intau in Israel nogaid kon dosa.

DATU MITA IMITÁNEA 15:34

Notongkai ná ki Datu Yerobeam inta nomarenta noiuna kon inia, ki Datu Baesa in binaradosa doman kon i Tuhan bo nokopopisí kon intau in Israel nogaid doman kon dosa.

DATU MITA IMITÁNEA 16:31

Diápa doman tugat kon inia in mobiag momia kon dosa naonda bo ki Datu Yerobeam, sia in notonibuḷoidon i Izebel ki adí i datu Etbaal inta nongkon Sidon, bo nosumbadon in sia kon i Baal.

DATU MITA 2 13:11

Sia in binaradosa doman kon i Tuhan sin dinumudui kon raat i Datu Yerobeam inta ain nokopopisí kon intau in Israel nomia kon dosa.

DATU MITA 2 13:2

Ná doman ki Datu Yerobeam inta nomarenta noiuna kon inia, ki Yoahas in binaradosa doman kon i Tuhan bo nokopopisí kon intau in Israel binaradosa doman. Diábí kon dodai in onda in sia in nonaḷámai kon oaidnea mita inta moraat.

DATU MITA 2 13:6

Umpaka natua táe intau in Israel in diábí doman nogogai in mogaid kon dosa mita inta pinangkoi i Datu Yerobeam. Mosia in umuranbí mogaid kon dosa mita tatua, bo mopomayádon mako kon patong i Dewi Asyera umuran kon Samaria.

DATU MITA 2 14:24

Binaradosa in sia kon i Tuhan, sin dinumudui kon aid moraat i Datu Yerobeam I inta ain nokopopisí kon intau in Israel nogaid kon dosa.

DATU MITA 2 15:18

Kinoouput in kobiagannea binaradosa in sia kon i Tuhan sin dinumudui kon aid moraat i Datu Yerobeam I, inta nokopopisí kon intau in Israel binaradosa.

DATU MITA 2 15:9

Notongkai doman in datu mita inta nomarenta noiuna kon inia, sia in binaradosa doman kon i Tuhan. Sia in dinumudui kon aid moraat i Datu Yerobeam I, inta ain nokopopisí kon intau in Israel binaradosa.

DATU MITA 2 17:21

Onda intua ki Tuhan in nopoyotondídon kon Israel bo Yohuda, intau in Israel in noduídon kon i Yerobeam ki adí i Nebat nobaḻí datu monia. Ki Yerobeam in nodia kon i monia nonaḷámai kon i Tuhan bo nogaid kon dosa mita inta moḷoben.

DATU MITA 2 17:22

Mosia in dinumudui kon oaid i Yerobeam bo umuran mogaid kon bayongan in dosa inta inaidannea,

DATU MITA 2 17:23

dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

DATU MITA 2 21:16

Koḻikud in nokopopisí kon intau in Yohuda binaradosa kon i Tuhan pinongin nosumba kon berhala, ki Manasye in noḻimod doman kon nobayong totok in intau inta diá kotaḷá dá dugú in moiḻig kon bayongan in tampat kon Yerusalem.

DATU MITA 2 23:15

Sia in nomoguyaat doman kon tampat pososumbaan kon Betel inta pinosindog i Datu Yerobeam adí i Nebat – datu inta ain nokopopisí kon intau in Israel nogaid kon dosa. Bo ki Yosia in noḷosi kon mezbah kon tampat pososumbaan tatua, bo sinubánea takin patong i Dewi Asyera inta kon tua.