DATU MITA 2 3:25 - Alkitab Singog In Mongondow Masa In Tanaa

²⁵ bo nomoguyaat kon kotá monia. Bayongan in gobá inta mopia inta kotaḻiban monia, anduron monia in batu. Imbuitnea bayongan in gobá kinobumbunandon in batu. Intau mita in Israel in nomumbun domandon kon bayongan bokaká bo nomupuḷ kon bayongan pangkoi in ayop. Inta kinotaḷáan in dongkadon kotá in Kir-Hareset, ibukotá in Moab. Imbuitnea kotá tatua iḻibutan bo inandur in batu in intau mita inta momaké in popakot.

DATU MITA 2 3:25 ပူးပေါင်းရင်းမြစ်များ

KINOBAḺIAN 26:15

Bo binumbunandon monia in bayongan parigí inta ain kinaḻi in bobantung mita i Abraham kon tungkuḷ in sia nobiagpa.

KINOBAḺIAN 26:18

Sia in bui nongaḻi kon parigí mita inta ain kinaḻi kon tungkuḷ i Abraham bo inta ain binumbunan in intau mita in Pilistin naonda in ki Abraham minatoidon. Parigí mita tatua in tantúbí sinontangoian in tangoi inta pinonangoi i amánea.

SAMUEL 2 8:2

Ki Daud in nonaḷow doman kon intau in Moab. Pinoki siugannea in mosia kon butá, bodongka iḻimodnea in intau doyowa kon sigad in pomuḷoi in intau toḷu. Dá intau in Moab notogu ondokdon kon i Daud bo noguboḻi kon pajak kon inia.

DATU MITA 2 3:19

Bayongan in kotá monia inta dininding bo inta mongogaga in umpagonbí monimu; bayongan pangkoi in ayop pupuḷon monimu, bayongan in bokaká in bumbunan monimu, bo bayongan in gobá monia inta mongopia in anduronbí monimu in batu modapot in mogoguyaatdon totok.”

DATU MITA 2 3:24

Táe naonda in intau mita in Moab tatua nodapot kon pinononḷoḷaigan tatua, mosia in inuntun in intau in Israel inta tantú mayá monubu kon i monia sindaḷan moḻimod kon i monia

DATU MITA 2 3:26

Naonda in kinomangaḻeanneadon kon diádon in sia mokotongod, ki datu Moab in nodiadon kon 700 in tontaranea inta mopandoi moparang momaké in kedang, bo moḷongasi tumuot kon poḷoḷukadan in datu Edom, táe diá nokodapot.

YESAYA 15:1

Naa in koyow i Tuhan kon Moab. Kotá in Ar bo Kir iyompat tongá tonggobii, bo butá in Moab mobaḻí moingongow totok.

YESAYA 16:11

Ginaku in kinumarak bo nogoguyaat in nokoontong kon kaadaan in Moab bo Kir-Heres.

YESAYA 16:7

Tuamai pomayádon mako in bangusa in Moab mosiamuian. Pomayádon mako in mosia in mongombaḷ aka mokotorop kon kaanon mopia inta kaanonmai monia kon kotá in Kir-Hareset. Pomayádon mako in mosia in kobuḻian in kamang bo mogamui.

YEREMIA 48:31

Tuamai Akuoi in mongombaḷ totok sin moiko komintan bo popisí in intau mita kon Kir-Heres, ki iná in kotámu.

YEREMIA 48:36

Komintan kaoyúonan Kir-Heres bo sinangkub in Moab noinggamádon. Morobonoḷ in gina-Ku in mokoontong kon kaadaan monia, Akuoi in nádon onda bo intau inta nogirup kon dondong popatoi kon bansí.

ULANGAN 2:9

Ki Tuhan noguman kon inakó, ‘Intau in Moab, buí i Lot, diábí motaau in tuyayowon monimu. Dika doman monubu kon i monia. Butá in Ar inogoi-Kudon kon i monia bo diábí topiḻikmai in butá monia in ogoi-Ku kon inimu.’ ” (

HAKIM MITA 9:45

Kinoouputbí in singgai ki Abimelek noparang bo nogagow kon kotá tatua; intau mita inta nogutun kon tua in iḻimod, bo kotánea in irimumudnea onda intua sinabudan in simuton.