DATU MITA 2 3:2 - Alkitab Singog In Mongondow Masa In Tanaa

² Nogaid in sia kon onu inta moraat kon mata i Tuhan, táe koraatnea in diábí ná moraat i Ahab bo i Izebel, guyanganea. Patong inta pinomia i amánea sin mosumba kon Baal in inumpagneadon.

DATU MITA 2 3:2 ပူးပေါင်းရင်းမြစ်များ

DATU MITA IMITÁNEA 16:19

Tua in nobaḻí popisí in sia ain nogaid kon inta moraat kon tayowon i Tuhan. Notongkai ná ki Datu Yerobeam, ki Zimri in nogaid doman kon dosa kon i Tuhan bo nokopopisí kon umat in Israel nogaid domandon kon dosa.

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

DATU MITA IMITÁNEA 21:25

Diábí kon dodai in onda in intau inta takin ḻimbatú in gina mogaid kon inta moraat kon tayowon i Tuhan ná inta pinomia i Ahab. Bayongan in aid moraat tatua in inaidannea sin umuran tundúdanmai i Izebel ki buḷoinea.

DATU MITA 2 10:18

Pinotabádon i Yehu nosipun in bayongan intau inta nogutun kon Samaria bo noguman in sia, “Ki Datu Ahab in diá totok motoindudui in mogundoi kon i Baal; akuoibí in motoi-toindudui in sia.

DATU MITA 2 21:20

Ná ki amánea, sia in binaradosa doman kon i Tuhan.

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

DATU MITA 2 9:22

“Degá bo iko nion in namangoi saḷaku yobayat?” iḻibó i Yoram kon i Yehu. Ki Yehu in notubag, “Deemanbí saḷaku yobayat aka nobayongpa in mongonggaing kon naa, bo oyúonpa doman in pososumbaan kon berhala inta pinangkoi i Izebel ki inámu tua?”

DATU MITA 2 9:34

Bo sinumuot in ki Yehu kon komaḻig bo nongaan. Onda intua noguman in sia, “Bobay tatua in kinutuk. Umpaka natua táe ḷobongdon in awaknea sin ki adí bobay i datu in sia.”

IḶUAIAN 23:24

Dika mosumba kon patong mita inta moḷoḷukad monia bo dika dumudui kon pososumba monia. Rimumudon in patong mita moḷoḷukad monia tua bo putoḷdon in oigi mita batu inta pinaké monia posumbaan.

SAMUEL 1 15:19

Nongonu sin ki Tuang Datu in diábí dinumudui kon parenta i Tuhan? Nongonu sin ki Tuang Datu in noyotakinbí nogamá kon barang mita inta inagow, aid i Tuang Datu tatua in nokopomuká kon yaat in gina i Tuhan?”