DATU MITA 2 3:11 - Alkitab Singog In Mongondow Masa In Tanaa

¹¹ Ki Datu Yosapat in noḻibó, “Diá degá in nabi kon naa inta motaau moḻibó kon i Tuhan mongo onu in musti aidan naton?” Porwira tobatú inta nongkon tontara i Datu Yoram in notubag, “Oyúon in ki Elisa ki adí i Sapat! Dungkuḷmai sia tua in mobobantung i Elia.”

DATU MITA 2 3:11 ပူးပေါင်းရင်းမြစ်များ

KINOBAḺIAN 18:4

Pomayádon mako bain akuoi in mogamá kon tubig sin pondaritan kon sioḷ i Tuang mita. Koḻigai bá mogogaipa kon siungon in kayu tanaa sinbá moinggamápa in ḷopí.

DATU MITA IMITÁNEA 19:21

Ki Elisa in nobui kon gobánea bo noratá kon sapinea mita. Kayu puḷu in pajekonea binaḻínea kayu pondungú kon pinodungúan kon ponoyá in sapi mita tatua. Onda intua sinila-silaineadon mako in ponoyá mita tatua kon intaunea mita bo kinaan monia. Nopaḷut mako kon tua ki Elisa minayá dinumudui kon i Elia bo nobaḻí mototuḷungnea.

DATU MITA IMITÁNEA 22:7

Táe ki Yosapat in bui noḻibó, “Diá degá in kon naa in nabi ibanea inta motaau moḻibó kon i Tuhan sin kopontingan naton?”

DATU MITA 2 2:25

Ki Elisa in nongingguputdon kon bobayáan minayá in Buḷud in Karmel, onda intua nobui kon Samaria.

DATU MITA 2 3:10

“Mobodito in kita!” guman i Datu Yoram. “Ki Tuhan ain nonomayá moposarakan kon i naton toḷu kon i datu in Moab!”

DATU MITA 2 3:12

“Totuu! Totuu, ki Tuhan in nosingogbí pinongin inia,” guman i Datu Yosapat. Dá minayádon in datu taya toḷu tatua kon i Elisa.

DATU MITA 2 3:3

Tongá, ná ki Datu Yerobeam ki adí i Nebat inta nomarenta noiuna kon inia, sia in nokopopisí domandon kon intau in Israel binaradosa bo diá nogogai in nogaid kon natua.

TAWARIKH 1 10:13

Ki Saul in minatoi popisí in diá in sia mosatia kon i Tuhan, bo diá doman dinumudui kon parenta-Nea mita. Diábí in sia nopoigum in topotundú mita nongkon i Tuhan, táe nopoigumbí kon dimukud mita in intau mita inta ain minatoi. Tuamai in ki Tuhan nohukum kon inia bo noposarakan in tampat pomomarentaannea kon i Daud adí i Isai.

TAWARIKH 1 14:10

Nokodongogmai kon natua ki Daud noḻibó kon i Allah, “Tuhan, degá musti tubuonku in intau mita in Pilistin tatua? Degá popountung i Tuhan in akuoi?” “Oo, tubudon!” tubag i Tuhan. “Popountung-Kubí in iko!”

TAWARIKH 1 14:14

Komintanpa doman bui in ki Daud nopoigum in topotundú i Allah, bo sinubagan i Allah, “Dika monubu kon i monia nongkon naa, táe bayádon poḻibu bo tubudon in mosia nongkon ḷoḷan kon diug in pangkoi mita in murbei.

TAWARIKH 1 15:13

Kon dodai in Poti tatua kon imitánea totok pinamping, moiko in diá in kon tua sin modia kon tua. Tuamai ki Tuhan, Allah naton, nohukum kon inaton sin kita in nosumba kon-Nia táe diá noidudui kon ibog-Nea.”

TAWARIKH 2 18:6

Táe ki Yosapat in noḻibó bui, “Degá kon naa diá in nabi ibanea inta motaau moḻibó kon i Tuhan sin kopontingan naton?”

MAZMUR 74:9

Nabi mita bo tomponuot mita inta mokoherang diádon koontongan bui, bo diádon tobatúmai in intau in nonotaau mongo dapot in toonu in nanaa.

YEREMIA 37:17

Onda intua ki Datu Zedekia nopotabá kon intau sin modia kon inakó pobayá in komaḻig kon inia. Kon tua inumuni uni in sia noḻibó kon inakó mongo oyúon in koyow nongkon i Tuhan. “Oyúon,” tubagku. Bo akuoi in noguman, “Ki Tuang datu in ogoi kon i datu in Babel.”

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

PILIPI 2:22

Sin inontong bidon monimu tontaní kon ki Timotius tua in nokobaragunabí kon inakó. Sia in totu-totuudon nogaid takinku nopotaau magí-mako in Habar Mopia inta nongkon i Allah. Kaminda naa in nádon onda guyanga bo adí.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

YOSUA 1:1

Naonda in ki Musa, mogogundoi i Tuhan tua minatoi, ki Tuhan noguman kon i Yosua adí i Nun inta bobantung i Musa.

YOSUA 9:14

Dá intau mita in Israel notarimadon kon topiḻik in kaanon in intau mita in Gibeon tatua, bo diádon iḻibó monia kon i Tuhan intua.

HAKIM MITA 20:18

Tontara in umat in Israel tatua minayá in tampat pooibadaan kon Betel, bo noḻibó kon i Allah, “O Tuhan, suku táonda degá inta kon sigad nami naa inta kon dungkuḷ totok mayá monubu kon intau in Benyamin?” Ki Tuhan in notubag, “Suku in Yohuda.”