DATU MITA 2 24:3 - Alkitab Singog In Mongondow Masa In Tanaa

³ Totuubí kon tua in mustibí mobaḻí, sin ki Tuhan in nogumandon kon bangusa in Yohuda in ḷumbúonbí nongkon butá inta inogoi i Tuhan kon i monia. Mosia in iḷumbú sin popisí in bayongan dosa inta inaidan i Datu Manasye;

DATU MITA 2 24:3 ပူးပေါင်းရင်းမြစ်များ

KINOBAḺIAN 50:20

Moiko ain noyopakat sin mogaid kon inta moraat kon inakó, táe ki Allah ain nomaḷui kon inta moraat tua nobaḻí kopiaan, sinbá pinongin onu inta ain nobaḻí koḻipod tua mobayong intau inta nobiag masai naa in motaau posaḷamaton.

DATU MITA 2 17:18

dá sinumorúdon totok in Sia kon i monia bo diá noindoimai kon i monia. Iḷumbú-Nea in mosia nongkon butá inta inogoi-Nea kon i monia; dongkadon dodatuan in Yohuda in sinaḷáan.

DATU MITA 2 17:20

dá inindoídon i Tuhan in bayongan in umat in Israel. Ihukum-Nea bo inogoi-Neadon in mosia kon musung mita monia inta mongoraat totok. Diá bidon inindoian-Neamai in mosia, táe iḻumbú-Neadon in mosia nongkon butá inta inogoi-Nea kon i monia.

DATU MITA 2 17:23

dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

DATU MITA 2 18:25

Kai monimu kamai kami naa in monubu bo monaḷow kon butámu in diábí in totuḷung i Tuhan? Ki Tuhanbí tontaní in nopotabá kon inami monubu bo morimumud kon tua!”

DATU MITA 2 21:16

Koḻikud in nokopopisí kon intau in Yohuda binaradosa kon i Tuhan pinongin nosumba kon berhala, ki Manasye in noḻimod doman kon nobayong totok in intau inta diá kotaḷá dá dugú in moiḻig kon bayongan in tampat kon Yerusalem.

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

TAWARIKH 2 24:24

Tontara in Siria in tongábí topiḻik, táe pinomayádon mako i Tuhan in mosia nonaḷow kon tontara in Yohuda inta mobaro-barong tua, sin intau in Yohuda diá mopandungmai kon i Tuhan Allah in mogoguyang monia. Natua in pinohohukum i Tuhan kon i Datu Yoas.

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YEREMIA 32:31

Pinangkoi kon kotá tanaa pinosindog, intaunea in nopomukádon kon torú-Ku. Dá sinantú-Kudon kon yopúon intua,

YEREMIA 52:28

Kobayong monia komintan in 4.600 in intau. Ki Nebukadnezar nogakut kon i monia noyodudui nanaa: 3.023 in intau kon taong impitunea kon pinomarentaannea, 832 in intau nongkon Yerusalem kon taong impuḷú bo waḷu kon pinomarentaannea, bo 745 in intau in inakut i Nebuzaradan kon taong in doyowa nopuḷú bo toḷu kon pinomarentaan i Nebukadnezar.

YEHEZKIEL 22:3

Ki Tuhan Inta Totok in moḷantud in nokipoyaput kon inakó in koyow tanaa kon Yerusalem, “Iko in kotaḷá popisí in noḻimodon kon nobayong in intaumu tontaní, bo noponajisdon in awakmu pinongin nosumba kon berhala mita inta pinomiamu tontaní. Tuamai in ponisigan kon inimu in motoyongdon bo kobiaganmu in ḷagidon modait. Iko in pomayá-Kudon mako in rebegon bo kosingan in bangusa mita bo bayongan in butá.

YEHEZKIEL 24:6

Ki Tuhan Inta Totok in moḷantud in noguman, “Moboditodon in kotá inta nopuḻing in moḷoḻimod tua naonda bo kuyon kinaḻiotá inta diádon kon dodai in onda in iradatan. Ponoyá inta kon bonunea in poḷuaion tumongo pongkó, modapot in diá in kotaḷáan.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

MIKHA 2:10

Sindogdon bo bayá; kon naa in diádon moaman. Dosamu mita in nokopoangoidon kon anib inta mokokoningkim kon tudu in tampat tanaa.

ULANGAN 28:63

Ná pia in gina i Tuhan nobogoi in kobiagan motompia kon inimu bo modugang kon kobayongmu, yo natua doman in kososanang in gina-Nea moyompat bo moyopú kon i monimu. Moiko in poḷuaiondon nongkon butá inta diádon moonggot in ḻitúan monimu.

ULANGAN 29:28

Torú i Tuhan noiḷuai námai tua in kotoyangnea, bo kon bonu in torú-Nea inta totok in moḷoben tatua Sia nogugut kon bangusa Israel nongkon butá monia bo nopogarab kon i monia minayá in butá in intau dá mosia in nogutundon kon tua.’

YOSUA 23:15

Táe naonda in pinonompod-Nea kon dandi-Nea yo natua doman pogogaid-Nea kon onu inta pinogogondok-Nea kon i monimu.