DATU MITA 2 24:2 - Alkitab Singog In Mongondow Masa In Tanaa

² Ki Tuhan in nopotabá in banselang mita inta nomaké in touḷut in parang nongkon bangusa in Babel, Siria, Moab, bo Amon sin monayow kon i Yoyakin bo moyopú kon Yohuda, podudui kon onu inta ain pinoguman-Nea pinongin in nabi mita mogogundoi-Nea.

DATU MITA 2 24:2 ပူးပေါင်းရင်းမြစ်များ

DATU MITA 2 20:17

moiangoibí in wakutunea kon bayongan in kaoyúonan kon bonu in komaḻigmu bo inta ain sinipun in mogoguyangmu dapot in singgai naa, in diaandon mayá in Babel. Diábí in kotaḻiban.

DATU MITA 2 22:16

in tosingogon i Tuhan tanaa: “Akuoi in mohukumbí kon Yerusalem bo bayongan in intau inta nogutun kon tua ná inta pinais kon bonu in buk inta bagu binaca i datu.

DATU MITA 2 23:27

Ki Tuhan in noguman, “Onu inta ain inaidan-Ku kon Israel, in pomiaan-Kubí doman kon Yohuda. Intau in Yohuda in ḷumbúon-Kubí doman kon butá inta ogoi-Ku kon i monia. Doíon-Kubí in Yerusalem, kotá inta piniḻí-Ku, bo baḷoi-Ku doman tanaa, inta podudui in singog-Ku in mobaḻí tampat poibadaan kon i-Nakó.”

DATU MITA 2 6:23

Dá pinogaidan i datu in Israel kon rame moḷoben in mosia. Nopaḷut mako in mosia nongaan bo nonginum, pinotabáneadon in mosia nobui kon i datu in Siria. Pinangkoi kon tua intau mita in Siria nogogaidon in nonubu kon intau mita in Israel.

TAWARIKH 2 33:11

Tuamai ki Tuhan in nopoangoi in tongguḷu totokanea in tontara in Asyur sin monubu kon Yohuda. Ki Manasye in dinomok in kokarit, bo inumantungan bo dinia pinobayá in Babel.

AYUB 1:17

Diápa in sia nopaḷut nosingog, kon dodai in bobantung intoḷunea namangoi nopotaau, “Toḷu nopaanan in mogogagow intau in Kasdim in nogagowdon kon unta mita i Tuang bo noḻimod kon bobantung mita i Tuang. Tongádon akuoi tontaní in nokoḷagui dá notaaudon namangoi nopotaau intua kon i Tuang.”

YESAYA 13:5

Mosia in namangoi nongkon ḻipú mita inta noyayú kon popod mita in dunia. Kon bonu in torú-Nea ki Tuhan in nomaké kon i monia sin moyopú kon sinangkub in dunia.

YESAYA 28:19

Moiko in umuran koantugan in bodito bo musti mobaba kon tua pomuḷoi in singgai, doḷo-doḷom, moutu in singgai bo doḷom. Moiko in mourotbí popisí in ondok aka komangaḻean monimu in koyow i Allah.

YESAYA 7:17

Ki Tuhan in mopoangoibí in datu in Asyur, bo iko takin motoḷuadímu takin rayatmu in mokorasa kon singgai mita inta nopuḻing in roriga inta motoyang totok nongkon onu inta ain nokoimontan kinorasaan monimu pinangkoi kon kinobotakan in dodatuan in Israel bo Yohuda.

YEREMIA 12:9

Mosia in naonda bo ḷagapan inta sinampí in boniá nongkon bayongan tampat. Oinídon in bayongan in mahaḷuk in kayuon dumugang mogindait kon i monia.

YEREMIA 25:1

Kon taong inggopatnea naonda in ki Yoyakin adí ḷoḷaki i Yosia nobaḻí datu in Yohuda, akuoi in nokouḻí kon koyow nongkon i Tuhan soaḷ bayongan in bangusa in Yohuda. Wakutu intua taong imitánea naonda in ki Nebukadnezar nobaḻí datu in Babel.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 26:20

Nokoimontan doman in intau ibanea in nopoyaput in tosingogon ponayow kon kotá tanaa bo bangusa tanaa pinodoyon kon tangoi Tuhan, ná inta inaidanku. Intau tatua tangoinea in ki Uria ki adí i Semaya nongkon Kiryat-Yearim.

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

YEREMIA 32:28

Kotá tanaa in pomayá-Kubí mako in kawasaan i Nebukadnezar takin tontaranea mita. Mosia in mogagowbí kon kotá tanaa,

YEREMIA 35:11

Táe naonda in ki Datu Nebukadnezar nonubu kon butá tanaa, kami in nonantúdon kon moḷagui nongkon tontara in Babel bo tontara in Siria, bo noḷagui minayá in Yerusalem. Tuamai in nogutun kon naa in kami.”

YEREMIA 52:28

Kobayong monia komintan in 4.600 in intau. Ki Nebukadnezar nogakut kon i monia noyodudui nanaa: 3.023 in intau kon taong impitunea kon pinomarentaannea, 832 in intau nongkon Yerusalem kon taong impuḷú bo waḷu kon pinomarentaannea, bo 745 in intau in inakut i Nebuzaradan kon taong in doyowa nopuḷú bo toḷu kon pinomarentaan i Nebukadnezar.

OMBAḶ 1:17

Akuoi in notonggó kon ḻima sin mokituḷung, táe diábí in noḻipoi. Nongkon bayongan in tampat, ki Tuhan nopotabá mangoi in musung; mosia in namangoi sin momarang kon inakó. Akuoi in pinomia naonda bo yoyatan, pakakat inta mokorongó kon yua-yuak monia.

YEHEZKIEL 19:8

Táe bangusa mita nongkon butá inta noyoḻibumai noḷongasi nodomok nongkon bayongan in tampat. Binuká monia in pukot sin podomok kon inia, bo noibaaḷ domandon in sia kon pukot monia.

YEHEZKIEL 23:23

Sipunon-Ku bo diaan kon inimu in bayongan in intau kinoibogmu nongkon Babel, Pekod, Soa, Koa, Asyur, bo intau mita in Kaldea. Diaan-Ku poangoi kon inimu in tayowmobiag mita inta mongoḷunat inta pangkat mongoḷantud, intau moḷoben, pojabat moḷantud bo itoi mita in tontara inta tumotakoi kon kabaḷo.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

HABAKUK 1:6

Bangusa in Babel inta morongang bo mopokaan tatua in baḻíon-Ku bangusa inta mongongawasa. Mosia in mopipid in ḷumuai nongkon butánea bo moḻibu kon sinangkub in dunia sin mopotungkud kon bangusa mita ibanea.