DATU MITA 2 24:1 - Alkitab Singog In Mongondow Masa In Tanaa

¹ Kon bonu in pinomarentaan in Datu Yoyakim, ki Nebukadnezar datu in Babel nonubu bo nopotungkud in Yohuda. Toḷu notaong in koonggotnea ki Yoyakin in sinumungkud kon i Nebukadnezar, táe noiduduimai kon tua nomarontak in sia.

DATU MITA 2 24:1 ပူးပေါင်းရင်းမြစ်များ

DATU MITA 2 17:5

Onda intua ki Salmaneser datu in Asyur nonubu kon Israel bo nongopung kon Samaria. Kon taong intoḷunea kon pinongopungan tatua,

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

TAWARIKH 2 36:1

Rayat in Yohuda nomiḻí bo noduí kon i Yoahas nobaḻí datu kon Yerusalem nonoḻiu kon i Yosia, ki amánea.

EZRA 4:12

Poigumon mako komangaḻean i Tuang, kon intau in Yahudi inta ain nonaḷámai kon butá mita ibanea kon bonu in dodatuan i Tuang, tanaa in nogutundon notantú kon Yerusalem bo koyogot in noposindog bui in kotá inta moraat bo moibog momarontak tua. Mosia in nomangkoidon noposindog bui in dindingnea mita bo diádon moonggot bo moḷapat in oaidan tatua.

YESAYA 36:5

kainimu kamai tongá tosingogon mokobaḷui kon akaḷ bo ropot in tontara? Ki ine in pongatamu modapot in iko in mokobaḻí monayow kon Asyur?

YEREMIA 25:1

Kon taong inggopatnea naonda in ki Yoyakin adí ḷoḷaki i Yosia nobaḻí datu in Yohuda, akuoi in nokouḻí kon koyow nongkon i Tuhan soaḷ bayongan in bangusa in Yohuda. Wakutu intua taong imitánea naonda in ki Nebukadnezar nobaḻí datu in Babel.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 35:1

Naonda in ki Yoyakin ki adí i Yosia nobaḻí datu in Yohuda, ki Tuhan in noguman kon inakó

YEREMIA 35:11

Táe naonda in ki Datu Nebukadnezar nonubu kon butá tanaa, kami in nonantúdon kon moḷagui nongkon tontara in Babel bo tontara in Siria, bo noḷagui minayá in Yerusalem. Tuamai in nogutun kon naa in kami.”

YEREMIA 36:1

Kon taong inggopatnea naonda in ki Yoyakin ki adí i Yosia nobaḻí datu in Yohuda, ki Tuhan in noguman kon inakó,

YEREMIA 45:1

Kon taong noginggopat kon pinomarentaan i Yoyakin ki adí i Yosia kon Yohuda, ki Barukh in nomais kon onu inta pinogumanku kon inia. Bo pinotaauku kon inia in

YEREMIA 46:2

pinangkoi kon Mesir. Sia in noguman kon inakó soaḷ tontara i Nekho datu in Mesir, inta sinaḷow kon Karkemis kon diug in Ongkag in Eprat i Nebukadnezar datu in Babel kon taong noginggopat pinomarentaan i Yoyakim, datu in Yohuda. Naa in pinoguman i Tuhan soaḷ tua,

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

YEHEZKIEL 19:8

Táe bangusa mita nongkon butá inta noyoḻibumai noḷongasi nodomok nongkon bayongan in tampat. Binuká monia in pukot sin podomok kon inia, bo noibaaḷ domandon in sia kon pukot monia.

YEHEZKIEL 21:14

Yo, intau ilo-ilow, ponoḻindapdon. Tokapdon in ḻimamu, saḷaku tomponuot kon kedang tatua in momangkoidon moḻimod. Kedang tatua in totokbí in mokoondok.

DANIEL 1:1

Toḷu notaong naonda in ki Datu Yoyakin nomarenta kon Yohuda, ki Nebukadnezar datu in Babel, nonubu kon kotá in Yerusalem bo nongopung kon kotá tatua.

DANIEL 1:2

Inogoi i Tuhan in sia in nonaḷow kon i Datu Yoyakin bo poḷat nogagow kon tongosilai in pakakat mita inta koboḻi kon Baḷoi Tuhan. Intau mita inta sinokodakopnea, dinianea kon kuil in dewanea kon Babel, bo pakakat mita inta koboḻi inta inagownea, sinagúnea kon bonu in gudang mita in kuil tatua.

HABAKUK 1:6

Bangusa in Babel inta morongang bo mopokaan tatua in baḻíon-Ku bangusa inta mongongawasa. Mosia in mopipid in ḷumuai nongkon butánea bo moḻibu kon sinangkub in dunia sin mopotungkud kon bangusa mita ibanea.