DATU MITA 2 23:2 - Alkitab Singog In Mongondow Masa In Tanaa

^2-3 Bo minayá in sia takin i monia kon Baḷoi Tuhan, dinuduian in imang mita, nabi mita bo bayongan in rayat, pinomayá inta nobiag bogá andeka inta nobiag nooyúon. Kon tayowon monia komintan, kon diug in pal inta sinantú kon i datu, sinimindog in ki datu bo nobaca kinoropot in bayongan tombonu in buk dodandian inta ain nouḻí kon bonu in Baḷoi Tuhan. Onda intua ki datu nomia kon dodandian takin i Tuhan kon motoindudui kon i-Nia, bo mopobayá intua takin ḻimbatú in gina bo dimukud in bayongan parenta bo hukum-Nea mita. Ki datu in nodandi doman kon dumudui kon sarat dodandian i Tuhan takin umat-Nea mita inta ain pinais kon bonu in buk tatua. Bayongan in rayat sinumakin nodandi kon motoinduduibí kon dodandian tatua.

DATU MITA 2 23:2 ပူးပေါင်းရင်းမြစ်များ

KINOBAḺIAN 19:11

Intau mita inta kon ḷuai in baḷoi tatua binilogan monia komintan, nodapot in diádon nouḻí monia ngara in baḷoi tatua.

DATU MITA IMITÁNEA 8:9

Kon bonu in Poti Dodandian tatua diábí in ibanea mako koḻikudbí in batu doyowa. Batu mita tatua in binonu i Musa kon poti tatua tungkuḷ kon Buḷud in Sinai, kon dodai in ki Tuhan nomia kon dodandian takin bangusa in Israel kon tungkuḷ in mosia kon binayáan nongkon Mesir minayá in butá in Kanaan.

DATU MITA 2 22:8

Ki Sapan in nopotaau in parenta i datu kon i Hilkia, bo ki Hilkia in nongonguman kon i Sapan kon sia in nokouḻídon kon buk in hukum mita i Tuhan kon Baḷoi Tuhan. Ki Hilkia in nobogoi in buk tatua kon i Sapan, bo binaca i Sapan.

TAWARIKH 2 15:13

Ki inekabí, noguyang andeka noguod, ḷoḷaki andeka bobay, inta diá nobiag podudui in ibog i Tuhan yo notantú bidon kon hukumon matoi.

TAWARIKH 2 17:9

Takin kodia-dia in buk In Hukum mita i Tuhan mosia in minayá kon bayongan in kotá kon Yohuda bo notundú kon rayat kon tua.

NEHEMIA 13:1

Kon dodai in hukum i Musa binaca kon rayat, nouḻídon in katarangan tanaa: ‘Intau in Amon bo Moab in diábí motaau in dumugang kon umat i Allah;

NEHEMIA 9:3

Degá toḷu nojam in koonggotnea, buk i Tuhan, Allah monia, binaca kon i monia bo toḷu doman nojam noiduduimai mosia in nongaku kon dosa mita monia. Nopaḷut mako kon tua sinumungkud in mosia bo nosumba kon i Tuhan, Allah monia.

ESTER 1:5

Nopaḷut mako kon tua pinomiaan i datu in rayat kon Susan in rame bui, pinomayá mosia inta nobiag nooyúon andeka inta nobogá. Rame tatua in todiminggu in koonggotnea bo inaidan kon taman kon komaḻig in datu.

AYUB 3:19

Kon tua bayongan in intau in notongkaidon: inta ponango-nangoian bo inta diá ponango-nangoian. Bo ata mita in noiḷuatdon kon imbuitnea.

MAZMUR 115:13

Sia in momarakatbí kon intau mita inta motoguondok, pinomayá mointok andeka moḷoben.

YEREMIA 34:8

Ki Datu Zedekia bo intau in Yerusalem nomia kon dodandian sin mopoḷuat

OUMAN IN RASUL MITA 26:22

Táe tantúpabí sinotabi i Allah in akuoi dá notaaupabí sinimindog kon naa in tanaa mako bo mongonguman kon bayongan inta ain kinorasaanku kon bayongan intau – moḷoben andeka mointok. Onu in inoumanku naa in diábí noyoposi in onu inta ain muna pinoguman in nabi mita bo i Musa;

ULANGAN 31:26

“Gamádon in buk hukum i Allah tanaa, bo ukatdon kon diug in Poti Dodandian i Tuhan Allahmu sinbá umuran kon tua nobaḻí tomponiata kon bangusa tatua.

WAHYU 20:12

Bo akuoi in nokoontong kon intau mita minatoi, guyanga-mongoadí sinimindog kon tayowon tampat pomomarentaan tatua. Bo tobatú buk ibanea in binukádon, tuata in Buk Intau Nobiag. Onda intua hukuman pinoḷabúdon kon intau mita minatoi, podudui in oaid monia podudui kon inta ain pinais kon bonu in buk mita tatua.

SAMUEL 1 5:9

Táe naonda in poti tatua noidapot kon tatua, ki Tuhan nohukum kon kotá tatua doman bo nopomuká in inta mokodoḻiok totok. Intau mita inta kon kotá tatua, pinomayá inta nongobagupa andeka inta ain noguyang ihukum takin pinopoumaan in bobentuḷ mita kon awak monia.