DATU MITA 2 22:2 - Alkitab Singog In Mongondow Masa In Tanaa

² Ki Yosua in nomia kon onu inta kinosanang in gina i Tuhan. Dinumudui in sia kon aid i Datu Daud mogoguyangnea, bo dinumudui kon bayongan in hukum i Allah diá in sinaḻiban.

DATU MITA 2 22:2 ပူးပေါင်းရင်းမြစ်များ

DATU MITA IMITÁNEA 11:38

Aka iko, ná mogogundoi-Ku ki Daud, motoindudui totu-totuu kon i-Nakó bo mobiag podudui in hukum-Ku mita, bo mokosanang kon gina-Ku takin mopoaid in bayongan inta pinarenta-Ku kon inimu, dá Akuoi in umuranbí moyotakinmu. Baḻíon-Kubí in iko datu kon Israel. Jaminon-Kubí kon buímu in mobaḻíbí datu in Israel momaḷui kon inimu, notongkai ná inta pinomia-Ku kon i Daud.

DATU MITA IMITÁNEA 15:11

Ná ki Daud mogoguyangnea, ki Asa nokosanang kon gina i Tuhan.

DATU MITA IMITÁNEA 15:5

Tua inaidan i Tuhan sin ki Daud in noposanangdon in gina-Nea. Ki Daud in diábí kon dodai onda in nonaḷámai kon parenta mita i Tuhan, koḻikudbí in soaḷ pelekara kon i Uria intau in Het tatua.

DATU MITA IMITÁNEA 3:6

Ki Salomo in notubag, “Tuhan, pinoontong-Mudon kon motabibí totok in Iko kon i amáku ki Daud, mogogundoi-Mu tua. Mopia in sia, motuḻid in gina bo mosatia kon ini-Mu. Bo inta nobaḻí tomponuot kon totabi-Mu in mononoi kon inia, dá inogoi-Mudon kon inia in adí ḷoḷaki inta tanaa nomarenta nonoḻiu kon inia.

DATU MITA 2 12:3

Tongá nokomanasaḷan, tampat pososumbaan kon dewa mita diá sinokorumbunnea, dá rayat in umuranbí moposumba in kuruban bo motubá kon kamania kon tua.

DATU MITA 2 14:3

Ki Amazia in nogaid kon onu inta mokosanang kon gina i Tuhan, táe diábí in sia ná ki Daud, mogoguyangnea. Naonda bo ki amánea,

DATU MITA 2 16:2

Kon dodai intua umurnea in 20 notaong, bo nomarenta in sia kon Yerusalem 16 notaong in koonggotnea. Diábí in sia dinumudui kon dodia mopia i Datu Daud, mogoguyangnea, táe nomiabí kon inta kinoyaat in gina i Tuhan, Allahnea.

DATU MITA 2 18:3

Ki Hizkia in nogaid kon onu inta mokosanang kon gina i Tuhan ná ki Daud mogoguyangnea.

TAWARIKH 2 17:3

Ki Tuhan in nomarakat kon i Yosapat sin sia in dinumudui kon aid i amánea; diá in sia nosumba kon Baal,

TAWARIKH 2 29:2

Ki Hizkia in nogaid kon onu inta kinoibog i Tuhan ná ki Datu Daud mogoguyangnea.

TAWARIKH 2 31:20

Kon sinangkub in Yohuda, ki Datu Hizkia nopobayá in koadilan, nogaid kon onu inta motuḻid, bo mokosanang kon gina i Tuhan Allahnea.

TAWARIKH 2 34:1

Ki Yosia umur waḷu notaong kon dodai in sia nobaḻí datu kon Yohuda, bo sia in nomarenta kon Yerusalem toḷu nopuḷú bo mita notaong in koonggotnea.

AMSAL 20:11

Nongkon oaid in adí yo kotaauan bidon mongo dodianea mopia bo motuḻid.

AMSAL 4:27

Popoyayú in inta moraat, bo kobiagdon mokopotuḻid in gina. Dika mokoimontanmai in tumabat nongkon daḷan inta moitutui.

ZEPANYA 1:1

Ki Zepanya in ki adí i Kusyi. Uput in inanakannea nongkon ḻimonag bo mopoonik in ki Kusyi, ki Gedalya, ki Amazia bo ki Datu Hizkia. Naa in koyow i Tuhan kon i Zepanya kon tungkuḷ in ki Datu Yosia ki adí i Amon nomarenta kon Yohuda.

ULANGAN 5:32

Utat mita, duduiai pokosatia in bayongan inta pinarenta i Tuhan Allahmu kon inimu. Dika ḻimimpat kon tobatúmai nongkon parenta mita tatua.

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.