DATU MITA 2 22:10 - Alkitab Singog In Mongondow Masa In Tanaa

¹⁰ Onda intua ki Sapan in noguman, “Ki Hilkia in nobogoi in buk tanaa kon inakó.” Bo ki Sapan in nobaca kon buk tatua kon tayowon i datu.

DATU MITA 2 22:10 ပူးပေါင်းရင်းမြစ်များ

DATU MITA 2 22:11

Nokodongogmai kon bonu in buk tatua, ki datu in nomera-merak kon ḷambungnea sin norobonoḷ in ginanea.

DATU MITA 2 22:9

Nopaḷut mako kon tua ki Sapan nobuidon minayá kon i datu bo nopotaau kon doit inta sinagú kon Baḷoi Tuhan in ginamádon bo inogoi in bobantung mita i datu kon moḷoḷukad mita kon oaidan monompia kon Baḷoi Tuhan.

TAWARIKH 2 34:18

Onda intua buipa doman nosingog in sia, “Ki Hilkia in nobogoi in buk tanaa kon inakó.” Bo ki Sapan nobaca kon buk tatua pinodongog kon i datu.

NEHEMIA 13:1

Kon dodai in hukum i Musa binaca kon rayat, nouḻídon in katarangan tanaa: ‘Intau in Amon bo Moab in diábí motaau in dumugang kon umat i Allah;

NEHEMIA 8:18

Pitu nosinggai koonggotnea in mosia norame. Pomuḷoi in singgai tongonumai nosilai in buk Hukum i Allah in bacaanmai i Ezra. Kon singgai inwaḷunea inaidandon in upacara pinomaḷutan, podudui in atorang in Hukum.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

YEREMIA 36:13

Ki Mikhaya in nopotaau kon i monia, in bayongan inta binaca i Barukh kon Baḷoi Tuhan.

YEREMIA 36:15

“Ḻitúdon uḻe,” guman monia, “bacapa in ḻitodan buk tatua kon inami.” Binaca doman i Barukh.

YEREMIA 36:21

Bo ki datu in nopotabá kon i Yehudi nogamá kon ḻitodan in buk tatua. Naonda in ginamánea kon gopot i Elisama, binaca i Yehudi intua kon i datu bo kon bayongan in pojabat inta sinimindog iḻimibu kon i datu.

YEREMIA 36:6

Tuamai, aka wakutuneadon mopuasa in intau, yo iko in musti mayá intua, bo baca koropot in bayongan inta ain pinogumanku kon inimu, sinbá mosia in mokodongog komintan kon inta pinoguman i Tuhan kon inakó. Baca intua nongkon tampat inta bayongan intau kon bonu in Baḷoi Tuhan mokodongog kon tua mita, noitakin doman in intau in Yohuda inta namangoi nongkon kotá mita monia.