DATU MITA 2 21:14 - Alkitab Singog In Mongondow Masa In Tanaa

¹⁴ Intau mita inta nogutunpa kon tua in pomayá-Kudon mako mobaḻí kokaanon in musungnea mita, inta momilang kon i monia bo mogagow kon butá monia.

DATU MITA 2 21:14 ပူးပေါင်းရင်းမြစ်များ

YEREMIA 23:33

Ki Tuhan in noguman, “Yeremia, aka tobatú nongkon umat-Ku, andeka nabi tobatú andeka imang moḻibó kon inimu, ‘Onu in koyow i Tuhan?’ Iko in musti motubag, ‘Iko in nobaḻí bobabaan i Tuhan; tuamai iko in ḷumbúon-Nea.’

DATU MITA 2 19:4

Ki Datu in Asyur in nopotabádon in porwiranea moḷantud tobatú sin mopoompámai kon i Allah inta nobiag. Dika-dika bo kinodongogandon i Tuhan Allahmu in singog nopoompámai tatua, bo mohukumdon kon i monia inta nosingog tatua! Tuamai in posambayangdon kon i Allah sin kobiagan in intau mita naton inta nobiagpa.”

AMOS 5:2

Noḷabúdon in Israel inta diápa siniugan, sia in diádon sinimindog bui! Kon tudu in butánea tontaní pinomayádon mako in sia, diá in notuḷung kon inia simindog.

OMBAḶ 5:20

Umpaka dá taḷaan-Mu in kami modapot in námai tua in koonggotnea? Degá koḻiongan-Mudon in kami modapot in dunia naa modait?

OMBAḶ 1:10

Bayongan in kapunyaannea ain inagow in musungnea mita. Nodapot in sia in nokoontongbí tontaní in sinuotan monia kon bonu in Baḷoi i Allah, aid tobatú inta kinodoí i Tuhan aidan in intau inta deeman umat-Nea.

OMBAḶ 1:5

Musungnea mita in yumunggagá popisí in nokokawasa kon inia. Binaḻí i Tuhan in sia nororiga, popisí in mobayong totok in dosanea. Intaunea mita in sinokodakopdon, bo inakut pinobayá in pinoḷumbúan.

YEREMIA 12:7

Ki Tuhan in noguman, “Pogogutunan-Ku in diá bidon pandungon-Kumai, butá inta nobaḻí kapunyaan-Ku in sinaḷáan-Kudon, bo umat-Ku inta kinotabi-Ku aindon inogoi-Ku kon bonu in kawasa in musungnea mita.

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

MAZMUR 37:28

Sin ki Tuhan in motabibí kon oaid inta mopia bo moadil, intau inta motoindudui kon i-Nia in diábí bio-bióon-Nea mako in moiḷaḻe. Sia in moḷukadbí kon i monia modapot in mononoi, táe buí in intau moraat in yompatonbí.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

DATU MITA 2 24:2

Ki Tuhan in nopotabá in banselang mita inta nomaké in touḷut in parang nongkon bangusa in Babel, Siria, Moab, bo Amon sin monayow kon i Yoyakin bo moyopú kon Yohuda, podudui kon onu inta ain pinoguman-Nea pinongin in nabi mita mogogundoi-Nea.

ULANGAN 31:17

Aka tua bo mobaḻí, yo torú-Ku in moḷobendon kon i monia. Mosia in taḷaan-Kudon bo yopúon-Ku. Mobayong in bodito mokoondok in moiuma kon i monia, bo mosadardon in mosia kon tua mita in nobaḻí popisí in Akuoi, ki Allah monia diádon koyota-yotakin monia.

ULANGAN 28:48

Tuamai moiko musti mogundoi kon musung mita inta pinoangoi i Tuhan sin moḷawang kon i monimu. Moiko in aputondon in gogoy, yogang bo mopilang bo diá koonu bo onu. Ki Tuhan in mondorot totok kon i monimu modapot in moiko moyopú.

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

DATU MITA 2 21:13

Yerusalem in hukumon-Kubí ná pinohohukum-Ku kon Samaria bo kon i Ahab datu in Israel takin buínea. Yerusalem in radatan-Ku kodariton naonda bo pindan inta iyuyúan bo pinotongkob.

DATU MITA 2 21:15

Bayongan tua in aidan-Kubí kon umat-Ku sin mosia in binaradosadon kon i-Nakó bo nopomukádon in torú-Ku pinangkoipa kon mogoguyang monia iḻumuai nongkon Mesir noidapot in singgai naa.”

DATU MITA 2 23:27

Ki Tuhan in noguman, “Onu inta ain inaidan-Ku kon Israel, in pomiaan-Kubí doman kon Yohuda. Intau in Yohuda in ḷumbúon-Kubí doman kon butá inta ogoi-Ku kon i monia. Doíon-Kubí in Yerusalem, kotá inta piniḻí-Ku, bo baḷoi-Ku doman tanaa, inta podudui in singog-Ku in mobaḻí tampat poibadaan kon i-Nakó.”

YEREMIA 44:27

Ḷongasion-Kubí sinbá mobodito in moiko bo diá mosanang, modapot in moiko matoi komintan, pinomayá matoi in parang andeka popisí in yampoi in takit.

DATU MITA 2 17:18

dá sinumorúdon totok in Sia kon i monia bo diá noindoimai kon i monia. Iḷumbú-Nea in mosia nongkon butá inta inogoi-Nea kon i monia; dongkadon dodatuan in Yohuda in sinaḷáan.

DATU MITA 2 17:19

Intau mita in Yohuda in diádon dinumudui kon hukum mita i Tuhan, Allah monia. Mosia in dinumudui kon kabiasaan mita in intau in Israel,

DATU MITA 2 17:20

dá inindoídon i Tuhan in bayongan in umat in Israel. Ihukum-Nea bo inogoi-Neadon in mosia kon musung mita monia inta mongoraat totok. Diá bidon inindoian-Neamai in mosia, táe iḻumbú-Neadon in mosia nongkon butá inta inogoi-Nea kon i monia.

DATU MITA 2 17:23

dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

MAZMUR 74:1

Dondong topotundú i Asap. O Allah, degá modapot in mononoi taḷaan-Mu in kami? Nongonu sin Iko in umuranbí tumorú kon umat-Mu tontaní?

YEREMIA 19:7

Kon tampat tanaa pogogaion-Ku in bayongan tomayá in intau in Yohuda bo intau in Yerusalem. Mosia in pomayá-Kubí in taḷowon in musung mita monia bo ḻimodon kon poparangan. Mayat monia in pomayá-Kudon mako in kaanon in ḷagapan bo mahaḷuk mokokaan kon mahaḷuk ibanea.