DATU MITA 2 20:3 - Alkitab Singog In Mongondow Masa In Tanaa

³ “Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

DATU MITA 2 20:3 ပူးပေါင်းရင်းမြစ်များ

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 5:22

Onda intua ki Henokh in nobiag notobatú takin i Allah kon bonu in toḷu nogatut notaong. Sia in nokouḻí kon adí ḷoḷaki mita ibanea

KINOBAḺIAN 5:24

Pinopisí in ki Henokh umuran nobiag modagin kon i Allah, dá diádon in sia kon dunia naa sin diniadon i Allah.

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

DATU MITA IMITÁNEA 11:4

Kon dodai in sia nogoguyangdon mosia in nokodondouḷugdon kon inia nosumba kon ilah mita ibanea. Ki Daud, ki amá i Salomo in tantúbí mosatia kon i Tuhan, Allahnea, táe ki Salomo in diá ná ki amánea.

DATU MITA IMITÁNEA 15:14

Umpaka diá nodait irimumud i Asa in tampat pososumbaan kon berhala, táe umuranbí in sia mosatia kon i Tuhan kon dodai in nobiagpa.

DATU MITA IMITÁNEA 2:4

Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

DATU MITA IMITÁNEA 3:6

Ki Salomo in notubag, “Tuhan, pinoontong-Mudon kon motabibí totok in Iko kon i amáku ki Daud, mogogundoi-Mu tua. Mopia in sia, motuḻid in gina bo mosatia kon ini-Mu. Bo inta nobaḻí tomponuot kon totabi-Mu in mononoi kon inia, dá inogoi-Mudon kon inia in adí ḷoḷaki inta tanaa nomarenta nonoḻiu kon inia.

DATU MITA IMITÁNEA 8:23

bodongka nosambayang, “Tuhan, Allah in Israel! Kon ḷangit andeka kon butá diábí in ná Iko! Iko in nogintotuu kon dandi-Mu bo nopoontong in tabi-Mu kon umat-Mu inta mosatia bo motoindudui takin ḻimbatú in gina kon ini-Mu.

DATU MITA IMITÁNEA 8:61

Moiko umat-Nea in mustibí umuran mosatia kon i Tuhan, Allah naton bo motoindudui kon hukum mita bo parenta-Nea mita ná inta pinomia monimu singgai naa.”

DATU MITA IMITÁNEA 9:4

Aka iko mogundoi kon i-Nakó takin gina motuḻid bo mobanar ná ki Daud ki amámu, bo iko in motoindudui kon bayongan hukum bo parenta-Ku,

DATU MITA 2 20:2

Ki Hizkia in nomurow bo sinumayow kon dinding bo nosambayang,

DATU MITA 2 20:4

Ki Yesaya in nonaḷámaidon kon i Hizkia, táe kon dodai in sia diápa nonaḷámai nongkon palas kon yuak in komaḻig, ki Tuhan in nopotabá kon inia

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

NEHEMIA 13:14

Oo Allahku, toropdon in bayongan inta ain pinomiaku kon Baḷoi-Mu bo pogundoiannea.

NEHEMIA 13:22

Bo intau mita in Lewi pinoki aidanku in upacara pondaritan kon awak bo noḷukad kon bonawang mita sin moḷukad sinbá intau mita mohoromat kon singgai in Sabat. Nosambayang in akuoi, “Oo Allah, toropa in akuoi sin soaḷ tatua doman, bo kotabipa in akuoi podudui in tabi-Mu inta moḷoben.”

NEHEMIA 13:31

Sinompiaku domandon sinbá kon singgai mita inta ain sinantú, kayu pondungú kon pobogoian kon sosumba in motaau sadiaan bo rayat motaau modia kon sosumba bungai in boyó inta dungkuḷ. Imbuitnea nosambayang in akuoi, “Allahku, toropdon in bayongan tanaa bo barakataidon in akuoi.”

NEHEMIA 5:19

Poigumonku o Allah, toropdon in bayongan inta pinomiaku kon bangusa tanaa bo barakataipa in akuoi.

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

AYUB 1:8

Bo ki Tuhan in noḻibó, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau inta ná kotoindudui bo ná kopopia in ginanea. Sia in nosumba kon i-Nakó bo diábí nogaid kon tobatúmai in moraat.”

AYUB 16:20

Akuoi siningkuḻe in yobayatku mita bo kinosingan; koomba-ombaḷ in akuoi bo namangoi kon tayowon i Allah mopoigum in totuḷung.

AYUB 4:6

Iko nion in intau inta motoindudui kon i Allah; kobobiagmu in diábí in moraat? Aka natua, dá patusbí in iko moyakin bo diá kobuḻian in kamang.

MAZMUR 102:9

Kinoouput in singgai musung moningkuḻe kon inakó; tangoiku in binaḻí kutuk i intau mita inta tumorú kon inakó.

MAZMUR 119:26

Inakuku in aidku, bo Iko in notubag kon inakó; tundúdon kon inakó in atorang-Mu.

MAZMUR 119:49

Toropdon in dandi-Mu kon mogogundoi-Mu tanaa, dandi inta mobogoi in kamang kon inakó.

MAZMUR 145:18

Sia in modagin kon intau inta mokuani kon i-Nia, bo inta totu-totuu mopoigum kon i-Nia.

MAZMUR 25:7

Ampungaidon kaasí in dosa bo taḷá kon dodai in akuoi nobagupa, toropdon in akuoi podudui in tabi bo kopopia-Mu.

MAZMUR 26:1

Mazmur i Daud. Ogoiaipa in inta moadil in akuoi, o Tuhan, sin akuoi in nobiag takin notuḻid in gina. Akuoi in nongamang kon i Tuhan, bo diábí in ḻia-ḻiaw in gina tongopiḻikmai.

MAZMUR 26:3

Umuranbí toroponku in tabi-Mu, bo umuran motoindudui kon ini-Mu.

MAZMUR 32:2

Pia in kamang in intau inta aidnea moraat diádon irekengmai i Tuhan, bo inta doí mongakaḷ.

MAZMUR 39:13

Indongogaipa kaasí in sambayangku o Tuhan, taridiaipa in oigumku; dikabí kaasí tongá kibio-biómai aka akuoi mongombaḷ. Naonda bo bayongan in mogoguyangku, tongábí motoyong akuoi in moniung kon ini-Mu.

MAZMUR 6:6

Sin kon dunia in intau minatoi Iko in diá bidon toropon; diábí in modayow kon ini-Mu kon dunia in intau minatoi.

MAZMUR 6:7

Moḷopídon bo moyangkódon in akuoi sin mogamuimai; pomuḷoi in doḷom moḷabú in ḷuáku momuntad kon tosiuganku.

MAZMUR 89:47

Modapot in toonu Iko in mogadop, o Tuhan? Modapot in toonu in torú-Mu tumagab naonda bo tuḷú?

MAZMUR 89:50

O Tuhan, kon ondadon degá in tomponuot in tabi-Mu inta dungkuḷ, inta pinodandi-Mu kon i Daud pinodoyon kon kososatia-Mu?

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

YESAYA 63:11

Bo mosia in nokotorop kon inta dungkuḷmai, Sempo i Musa mogogundoi i Tuhan. Mosia in noḻibó “Kon onda in ki Tuhan inta nodia kon itoi mita in umat-Nea nongin dagat? Kon onda in ki Tuhan inta nobogoi in kawasa-Nea kon i monia?

YEREMIA 4:2

Aka moiko in mongibot podoyon kon tangoi-Ku bo moiko in mobiag mojujur moadil bo mobanar, dá bayongan in bangusa in mopoigumbí kon i-Nakó sinbá barakatan-Ku in mosia, bo mosia in modayow kon i-Nakó.”

AMOS 5:4

Ki Tuhan in noguman kon intau in Israel, “Pobuidon mangoi kon i-Nakó, dá mobiagbí in moiko.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.