DATU MITA 2 20:1 - Alkitab Singog In Mongondow Masa In Tanaa

¹ Kon tungkuḷ intua ki Datu Hizkia in binituḷ inta totokdon in mobogat bo gogiódon matoi. Ki Nabi Yesaya ki adí i Amos in minayá nokipodungkuḷ kon inia bo noguman, “Ki Tuhan in nongoyow sinbá ki Tuang Datu in monoḻisídon kon bayongan in oaidan, sin ki Tuang in diádon mopia. Diádon moonggot bo matoi in ki Tuang Datu.”

DATU MITA 2 20:1 ပူးပေါင်းရင်းမြစ်များ

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

DATU MITA 2 1:16

Bo ki Elia in noguman kon i datu, “Ki Tuhan in noguman, ‘Iko in nopotabá in intau nopoigum in topotundú kon i Baal-Zebub dewa in kotá in Ekron naonda bo kon Israel in diá in Allah inta motaau poḻibóan. Tuamai iko in diábí mopia, iko in matoibí!’ ”

DATU MITA 2 1:4

Potaau kon i datu kon ki Tuhan in noguman nanaa, ‘Iko in diábí mopia, matoibí in iko!’ ” Naonda in inaidan mako i Elia in parenta i Tuhan tatua,

DATU MITA 2 19:2

Onda intua nopotabá in sia kon i Elyakim, tongguḷu in komaḻig, ki Sebna momomais in negara, bo imang mita inta nogogoguyangdon, sin mokipodungkuḷ kon i Nabi Yesaya ki adí i Amos. Mosia in nogisosapi doman.

DATU MITA 2 19:20

Onda intua nokidia in ki Yesaya in koyow kon i Datu Hizkia kon nobaḻí tubag in sambayang i datu,

DATU MITA 2 20:2

Ki Hizkia in nomurow bo sinumayow kon dinding bo nosambayang,

ULANGAN 31:14

Onda intua ki Tuhan noguman kon i Musa, “Kobiaganmu in diádon moonggot. Dá, oinídon in ki Yosua bo diádon in sia kon Ḷoḷaigan-Ku, sinbá Akuoi in motaaudon mobogoi in topotundú mita kon inia.” Dá minayádon in ki Musa bo ki Yosua kon Ḷoḷaigan i Tuhan,

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.

PILIPI 2:27

Oo, totuubí kon notakit in sia gogió bo minatoi. Táe sinotabipa i Allah in sia; deemanbí tongá sia, táe akuoibí doman, sinbá diá modugang moajar in ginaku.

PILIPI 2:30

Sin lantaran oaidan i Kristus dá gogió in sia bo minatoi; norelabí totok in sia in nopotaru in nyawanea monoḻiu kon i monimu mobantung kon inakó moginḷapat kon onu inta diápa noḷapat.