DATU MITA 2 2:9 - Alkitab Singog In Mongondow Masa In Tanaa

⁹ Naonda in noiyaput in ḷoḷan, ki Elia in noguman kon i Elisa, “Igumdon onu in koibogmu kon inakó kon dodai in diápa diaan mamonik i Tuhan in akuoi bo monaḷámaidon kon inimu!” Ki Elisa in notubag, “Ogoidon kon inakó in kawasa i Amá, sinbá akuoi in mobaḻídon toḻiu i Amá.”

DATU MITA 2 2:9 ပူးပေါင်းရင်းမြစ်များ

DATU MITA IMITÁNEA 19:16

Aidai doman in natua kon i Yehu ki adí i Nimsi, sinbá mobaḻí in sia datu in Israel, bo kon i Elisa ki adí i Sapat nongkon Abel-Mehola, sinbá sia in mobaḻí nabi monoḻiu kon inimu.

DATU MITA IMITÁNEA 3:9

Manangka intua, Tuhan, aka motaau yo ogoiaipa in akuoi in kabijaksanaan inta pakéon kon momarenta kon umat-Mu tanaa takin moadil bo motaau mopoyoposi onda inta mopia bo onda inta moraat. Aka diá natua, yo diábí in akuoi mokoparenta kon umat-Mu inta mobarong naa!”

MAZMUR 72:1

Nongkon i Salomo. Oo Allah, tundúdon in hukum-Mu kon i datu, ogoiaidon in kooadil-Mu kon i adí ḷoḷaki i datu.

MAZMUR 72:20

Natuata in sambayang mita in Daud, ki adí i Isai.

ZAKHARIA 12:8

Kon singgai tatua Akuoi in mogoḻiung kon intau inta nogutun kon Yerusalem; bo inta totok in moyangkó kon sigad monia in mobaḻí ná koropot i Daud. Mosia in kapitonbí in buí i Daud naonda bo malaekat-Ku, nodapotbí in naonda bo Akuoi tontaní in nokapit.

ZAKHARIA 9:12

Pobuidon ei intau mita iḷumbú, tanaa in oyúondon in kamang monimu. Pobuidon kon pononiunganmu Akuoi in umuranbí momarakat kon i monimu. Indongogaika: Kodua noguntuḷ in kobayongnea ogoi-Ku in barakat popisí in bayongan roriga inta ain kinorasaan monimu.

PINOGIAPAN 11:17

Moponag in Akuoi bo moyosingogmu kon tampat tatua, bo tosilai nongkon kawasa inta ain inogoi-Ku kon inimu, ogoi-Kudon kon i monia. Dá motaaudon in mosia motuḷung kon inimu mobaba kon onu inta pinoki totaau kon bangusa tanaa, bo dikadon tongá iko tontaní in mobaba kon tua.

PINOGIAPAN 11:25

Bo ki Tuhan namangoi kon bonu in goḷom bo noguman kon i Musa. Ki Tuhan nogamá kon kawasa ibanea inta inogoi-Neadon kon i Musa bo inogoi-Nea kon itoi pitu nopuḷú tatua. Naonda in Roho i Tuhan tatua mamangoi kon i monia, nomangkoidon in mosia nosingog naonda bo nabi, táe diá noonggot.

YOHANES 16:7

Táe totuubí in poguman-Ku tanaa kon i monimu: Totokbí in mopia kon i monimu aka mayá in Akuoi, sin aka Akuoi bo diá mayá, yo diábí mamangoi kon i monimu in mototuḷung tatua. Táe aka Akuoi bo mayá dá potabá-Kubí mangoi in Sia kon i monimu.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

OUMAN IN RASUL MITA 8:17

Naonda in binarakatandon i Petrus bo i Yohanes dá mosia notarimadon kon Roho i Allah.

KORINTUS 1 12:31

Tuamai poramuji totok in moiko sinbá mokouḻí kon totabi inta totok in moponting. Tundúankubí in daḷan inta mopia-pia in moiko moiduduimai.

ULANGAN 21:17

Sia in mustibí mobogoi in doyowa nosilai nongkon kapunyaannea kon adí ḷoḷaki inta guya-guyang, umpakabí adí tatua deeman ki adí i buḷoinea inta totok in kinotabinea. Hak in adí guya-guyang mustibí akúon i amánea, bo adí tatua in mustibí ogoian in haknea podudui in hukum.”

ULANGAN 34:9

Ki Tuhan in nobogoi kon i Yosua ki adí i Nun in kabijaksanaan sin sia in piniḻídon i Musa monoḻiu kon inia. Bangusa Israel motoindudui kon i Yosua bo nopobayá in parenta mita inta inogoi i Tuhan kon i monia pinongin i Musa.

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.