DATU MITA 2 2:5 - Alkitab Singog In Mongondow Masa In Tanaa

⁵ Topaanan in nabi inta nogutun kon tua minayá nokipodungkuḷ kon i Elisa bo noḻibó “Kinotaauanmudon degá kon singgai in naa ki tuangmu in diaandon i Allah bo monaḷámaidon kon inimu?” “Oo, kinotaauanku,” tubag i Elisa, “Táe kibio-biómaidon, dikadon mongonguman kon tua in kita.”

DATU MITA 2 2:5 ပူးပေါင်းရင်းမြစ်များ

KINOBAḺIAN 48:19

Táe ki amánea noguman, “Kinotaauankubí uḻeku, kinotaauankubí. Ki Manasye in mobaḻí moḷoben in kawasanea bo buínea in mobaḻíbí doman bangusa inta moḷoben. Táe kawasabí i ai-ainea in moḷobe-ḷoben nongkon kawasanea, bo buí i ai-ainea in mobaḻí bangusa mita inta moḷoben.”

DATU MITA IMITÁNEA 20:35

Pinodudui kon parenta i Tuhan, nabi tobatú kon sigad in nabi mita nopotabá kon yobayatnea nokibout kon inia. Táe yobayatnea tatua in doíbí.

DATU MITA 2 2:3

Tongopaanan in nabi inta nogutun kon tua in minayá nokipodungkuḷ kon i Elisa bo noḻibó, “Kinotaauanmu degá kon singgai in naa in ki tuangmu monaḷámaidon kon inimu sin diaandon i Tuhan mamonik?” “Oo, kinotaauankubí,” tubag i Elisa. “Táe natuabí, dikadon mongonguman kon tua in kita.”

DATU MITA 2 4:1

Kon singgai tobatú ki baḷú in nabi tobatú in minayá kon i Elisa bo noguman, “Amá, ki buḷoiku in minatoidon! Bo kinotaauanbí doman i Amá kon sia tua in intaubí inta motoindudui kon i Allah, táe koboḻi in sia kon intau ibanea. Tanaa in intau tatua in namangoi sin mogamá kon i adíku doyowa bo baḻíonnea ki ata monia, sin poguboḻi kon boḻi i buḷoiku inta ain minatoi tua.”

DATU MITA 2 5:22

Ki Gehazi in notubag, “Ampung Tuang, akuoi in pinotabá mopotaau kon i Tuang kon bagupabí in nabi inta nobagupa namangoi nongkon Buḷud in Epraim. Ki Tuangku in moigum sinbá ki Tuang in mobogoidon in doit saḷaka 3.000 bo doyowa no par in ḷambung inta mongopia sin ogoi kon nabi doyowa tatua.”

DATU MITA 2 6:1

Kon singgai tobatú nabi mita inta sinundú i Elisa, nogamui kon inia. Noguman in mosia, “Pogogutunan naton naa in noiḻiudon in intok!

DATU MITA 2 9:1

Kon dodai intua ki Nabi Elisa nogoiní kon intau tobatú kon sigad in nabi mita inta sinundúnea bo noguman, “Posadiadon mayá in Ramot kon Gilead, bo diádon in botoḷ inta binonuan in ḷana zaitun tanaa.

MOHOHUTUBA 3:7

wakutu momerak bo wakutu modagum, wakutu kibio-biómai bo wakutu mosingog.

YESAYA 41:1

Guman i Allah, “Kibio-biómaidon bo indongogai in Akuoi, ei intau mita inta nogutun kon butá mita inta moyayú. Posadiadon in simindog kon pongadilan, bayádon bo potaaudon in pelekaramu. Igai in kita mopoyotantan moyotakin, sin monantú mongo ki ine in banar, bo ki ine in noitaḷá.

AMOS 7:14

Ki Amos in notubag, “Akuoi in deemanbí nabi popisí in ḷoḻitúan. Sabanarnea in akuoi naa in mononombobiagonbí bo mososipú kon bungai in ara.

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.

LUKAS 24:51

Koyogotpa in Sia nomarakat, indoianmai yo noibingkatdon in Sia minayá in soroga, bo noitondídon in Sia kon i monia.

OUMAN IN RASUL MITA 1:11

bo noguman kon i monia, “Ei, intau mita in Galilea, nongonu sin moiko in simindogbí mako kon nion bo ḷumangag mako kon ḷangit? Ki Yesus inta inontong monimu nobingkat namonik in soroga tua in mamangoibí bui. Bo koangoi-Nea bui in notongkaibí ná inta inontong monimu tanaa.”

OUMAN IN RASUL MITA 1:2

noidapot in singgai kinobingkatan-Nea kon soroga. Kon wakutu in Sia diápa namonik in soroga, takin kawasa in Roho i Allah, Sia in nobogoidon muna in parenta-Nea kon rasuḷ mita inta piniḻí-Nea.

OUMAN IN RASUL MITA 26:25

Táe ki Paulus in noguman, “Akuoi in noratakbí, uḻe Datu Agripa. Onu in pogumanku naa in komintanbí totuu, raianku in nopiapabí.

SAMUEL 1 10:5

Mopaḷut mako kon tua iko in musti mayá in buḷud i Allah kon Gibea, tampat pinononḷoḷaigan in intau in Pilistin. Kon ngara tumuot in kotá, iko in moyodungkuḷdon in nabi mita inta mosiḻig nongkon buḷud pobobogoian kon kuruban. Mosia in motayok bo morogiow, mopogogitog in gambus, rebana, bansí bo kecapi.