DATU MITA 2 2:24 - Alkitab Singog In Mongondow Masa In Tanaa

²⁴ Ki Elisa in nobobui bo inimindoi kon i monia bo nogodi-godi kon i monia pinodoyon kon tangoi i Tuhan. Kon dodai doman intua iḷumuaidon in beruang kobaayan doyowa nongkon kayuon bo nomera-merak kon opat nopuḷú bodoyowá in mongoadí inta kon sigad in mongoadí mita tatua.

DATU MITA 2 2:24 ပူးပေါင်းရင်းမြစ်များ

KINOBAḺIAN 9:25

sia noguman, “Binutungdon in Kanaan! Sia in mobaḻí ata inta totok in mohina kon i utatnea mita.

SAMUEL 2 17:8

Kinotaauan bidon i Tuang kon ki Daud bo intaunea mita tatua in intaubí mita inta mongotorindog bo mongobarani. Mosia tua in naonda bo kobarani in beruang kobaayan inta kinobuḻian i adínea. Apa doman ki Daud tua in tontara inta kopongalaman inta diábí dodai in onda in mosiug moyotakin in intaunea mita.

DATU MITA IMITÁNEA 13:24

bo minayádon in nabi tatua. Kon yuak in daḷan sinontomu in sia in singa tobatú bo dinomok pinatoi. Awaknea in noitongkob kon daḷan, bo keledainea in sinimindog mako kon diugnea. Singa tatua in sinimindog doman mako kon tua.

DATU MITA IMITÁNEA 19:17

Ki ineka in diá ḻimodon i Hazael, yo ḻimodonbí i Yehu, bo mosia inta mokoḷagui nongkon i Yehu yo ḻimodonbí i Elisa.

DATU MITA IMITÁNEA 20:36

Bo nabi tatua in noguman, “Popisí in iko in diá motoindudui kon parenta i Tuhan, dá domokon in singa in iko naonda in mobui nongkon naa.” Totuu. Naonda in sia minayá nongkon tua, dinomok in singa tobatú in sia.

DATU MITA 2 2:25

Ki Elisa in nongingguputdon kon bobayáan minayá in Buḷud in Karmel, onda intua nobui kon Samaria.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

AMSAL 17:12

Mopia-piabí kon moyodungkuḷ in ki iná in beruang inta kinobuḻian i adínea, dika in moyodungkuḷ in intau bodok inta kinawasa in kobobodoknea.

AMSAL 19:29

Intau bodok inta motosiḷantud notantú bidon kon bongkugon.

AMSAL 28:15

Intau moraat inta mongawasa kon intau inta kinodaitan, naonda bo singa inta moganggor andeka beruang inta mondudur.

YEREMIA 28:16

Tuamai in ki Tuhan tontaní in noguman kon iko in yopúon-Neabí nongkon dunia naa. Taong tanaa doman matoi in iko, sin iko in nopotabádon kon bangusa tanaa noḷawang kon i Tuhan.”

OMBAḶ 3:65

Kutukdon in mosia, bo biódon mako in mosia in mobiag kon bonu in diádon in kamang.

HOSEA 13:8

Akuoi in mondangatbí kon i monimu naonda bo beruang inta kinobuḻian i adínea mita. Yabi-yabion-Kubí in moiko. Naonda bo singa Akuoi in modomok kon i monimu kon tampatmu, bo naonda bo mahaḷuk ḻindong Akuoi in moyabi-yabi kon i monimu.

IMAMAT 26:22

Popoangoi-Ku kon yua-yuak monimu in mahaḷuk mita moraat. Mahaḷuk mita tatua modomok kon i adí mita monimu, momatoi kon biagmu bo mokaan kon i monimu komintan, dá moiko in moyakagdon totok, bo daḷan mita kon butá monimu moingongowdon totok.

AMOS 7:17

ki Tuhan in noguman kon ki buḷoimu in mobaḻí sundaḷ kon daḷan mita in kotá, bo ki adímu mita in ḻimodon kon parang. Butámu in silaionbí magí mako kon intau ibanea, bo iko tontaní in matoibí kon butá in intau inta diá nonotaau kon i Tuhan. Intau in Israel in notantú bidon kon akuton pobayá in poḷumbúan, moyayú nongkon butánea tontaní.”

MARKUS 11:14

Bo ki Yesus in noguman kon pangkoi in ara tatua, “Pinangkoi kon tanaa mako diá bidon tobatúmai intau in mokaanpa bui kon bungaimu!” Dinongog in murí-Nea mita in singog-Nea tatua.

MARKUS 11:21

Bo kinotoropan bui i Petrus onu inta nobaḻí koḷabung. Dá ki Petrus in noguman kon i Yesus, “Pak Guru, indoiaika! Pangkoi in ara inta inodi-odian i Pak Guru tua aindon minatoi!”

OUMAN IN RASUL MITA 5:5

Naonda in nokodongog kon singog i Petrus natua in ki Ananias baḷú noumpag bo minatoi. Dá totok nongoondok in intau mita inta nokodongog kon onu inta nobaḻí tatua.

OUMAN IN RASUL MITA 5:9

Dá ki Petrus in noḻibó bui nanaa “Nongonu sin kamunda motonibuḷoi in moibogbí monungkuḷ kon Roho i Tuhan? Indoiaika in intau mita inta bagu noiangoi minayá noḷobong kon i buḷoimu, sinimindogdon mako kon tayowon in ḷoḻingkop sin modia domandon kon inimu poḷuai sin bayáan ḷobongon.”

OUMAN IN RASUL MITA 8:20

Táe ki Petrus in notubag, “Koboditodon iko bo doitmu tanion! Kainimu kamai totabi Allah in motaaubí taḷuionmu?

KORINTUS 2 10:6

Bo aka moiko bo totu-totuu motoindudui, dá kami in mokobaḻí bidon in mohukum kon intau mita inta diá mongotoindudui.

HAKIM MITA 9:20

Tongá aka diá natua, dá igumon mako in nongkon i Abimelek ḷumuaidon in tuḷú inta momokak modait kon bayongan in intau inta nogutun kon Sikhem bo Bet-Milo. Bo igumon doman mako nongkon intau mita inta nogutun kon Bet-Milo in ḷumuai domandon in tuḷú inta momokak doman modait kon i Abimelek.”

HAKIM MITA 9:57

Bo ki Tuhan nohukum doman kon intau mita in Sikhem popisí in aid monia inta moraat. Tua mita in noitombutung kon ná onu inta ain siningog i Yotam ki adí i Gideon soaḷ mosia tua kon wakutu in nogodi-godimai kon i monia.