DATU MITA 2 2:21 - Alkitab Singog In Mongondow Masa In Tanaa

²¹ Bo minayádon in ki Elisa kon uḷuan in ongkag tatua bo noponabud in simuton tatua kon bonu in tubig bo noguman, “Naadon inta siningog i Tuhan: ‘Tompiaan-Kudon in tubig tanaa sinbá diádon mokopopisí kon kopatoian andeka koukaian!’ ”

DATU MITA 2 2:21 ပူးပေါင်းရင်းမြစ်များ

DATU MITA 2 2:20

“Pogamádon kon palo inta nobagupa,” guman i Elisa, “bo bonuai in simuton.” Dá diniadon mangoi monia kon inia onu inta pinoigumnea tatua.

DATU MITA 2 2:22

Nongkon dodaidon intuata nopiradon in tubig tatua pinodudui ná tosingogon i Elisa.

DATU MITA 2 4:41

Dá pinoki gamáan i Elisa in topong topiḻik, bo pinopobubudnea kon bonu in bejana tatua. Nopaḷut mako kon tua noguman in sia, “Silaidon bui in onu inta dinungú tatua.” Indoianmai dá diádon mokobodito in kokaanon tatua.

DATU MITA 2 6:6

“Kon onda in kinoḷabúannea?” iḻibó i Elisa. Sinundú in intau tatua in kinoḷabúannea, bo nomongkó in ki Elisa kon kayu topongkó bo pinogarab kon tampat tatua. Dá iḷumantakdon mata in boḻiung tatua kon tudu in tubig.

IMAMAT 2:13

Bayongan kuruban sosumba musti ibungan simuton, sin simuton mobaḻí tanda dodandian i Allah bo i monimu. Dá bayongan sosumba musti ibungan.

MATIUS 5:11

Pia in kamang i moiko, inta popisí in Akuoi, moiko siningkuḻe bo pinogutú takin pinoponapudan inta moraat.

MARKUS 9:50

Simuton tua in mopiabí, táe aka moḷiaudon yo onu i motaau pogibung monimu bui kon tua? Dá tuamai kobaḻíbí in moiko ná simuton bo kobiagbí moyotakin, takin popiaan bo totabian.”

YOHANES 9:6

Naonda in nosingog mako natua ki Yesus nonduyá kon butá. Bo duyá-Nea tatua in pinoyokitog-Nea in butá.

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”