DATU MITA 2 2:20 - Alkitab Singog In Mongondow Masa In Tanaa

²⁰ “Pogamádon kon palo inta nobagupa,” guman i Elisa, “bo bonuai in simuton.” Dá diniadon mangoi monia kon inia onu inta pinoigumnea tatua.

DATU MITA 2 2:20 ပူးပေါင်းရင်းမြစ်များ

DATU MITA 2 2:19

Tongonumai intau in Yerikho namangoi kon i Elisa bo noguman, “Amá, ná inta ain inontong tontaní i Amá, kotá tanaa in mopia, táe tubignea in diábí mopia bo mokopopisí kon bobay mita inta nonogusian, koukaian.”

DATU MITA 2 2:21

Bo minayádon in ki Elisa kon uḷuan in ongkag tatua bo noponabud in simuton tatua kon bonu in tubig bo noguman, “Naadon inta siningog i Tuhan: ‘Tompiaan-Kudon in tubig tanaa sinbá diádon mokopopisí kon kopatoian andeka koukaian!’ ”

YEHEZKIEL 47:11

Táe tubig kon rawa mita bo paya-paya kon kinoouput in pintad tatua in diábí moḻiau, táe umuranbí podapugan kon simuton.

ZEPANYA 2:9

Podoyon kon i-Nakó inta nobiag, ki Allah in bangusa in Israel, Akuoi in moyompatbí kon bayongan in Moab bo Amon naonda bo Sodom bo Gomora. Butá mita tatua in mopuḻingbí in ḻimbuong mita in simuton bo apug mita inta mononoi inta kinobiagandon in bo bonganga. Kiagat in umat-Ku inta nokoḷagui in mogagowbí kon intau inta nogutun kon tua, bo mogagow kon butá monia.”

HAKIM MITA 9:45

Kinoouputbí in singgai ki Abimelek noparang bo nogagow kon kotá tatua; intau mita inta nogutun kon tua in iḻimod, bo kotánea in irimumudnea onda intua sinabudan in simuton.