DATU MITA 2 2:17 - Alkitab Singog In Mongondow Masa In Tanaa

¹⁷ Táe umuranbí doman pakisaan monia dá noibogdon in sia. Dá minayádon in nabi taya ḻima nopuḷú tatua bo notayak kon i Elia toḷu nosinggai in koonggotnea, táe diábí nouḻí monia in sia.

DATU MITA 2 2:17 ပူးပေါင်းရင်းမြစ်များ

DATU MITA 2 2:18

Bo nobuidon mangoi in mosia kon i Elisa inta nogoḷat mako kon Yerikho. “Ain pinogumanku kon donaaidon mayá in moiko!” guman i Elisa kon i monia.

DATU MITA 2 8:11

Onda intua ki Elisa noindoi kon i Hazael bo sinontongannea totok dá noḻia-ḻiawdon in gina i Hazael. Bo daḻídon in ki Elisa noguang.

LUKAS 11:8

“Yo naonda?” guman i Yesus bui. “Akuoi in moguman kon inimu, umpakabí iko yobayatnea, yo diábí mobangon in sia bo mobogoi kon onu in paraḷumu. Táe aka iko bo diá mooyá in umuran monangkokó bo moigum, dá mobangonbí in sia bo mobogoi kon onu in paraḷumu.

SURAT I PAULUS KON JAMAAT RUM 10:2

Mobaranibí in akuoi in moguman kon mosia tua in totu-totuudon totok in mogaid kon oaidan i Allah. Táe ibog monia tua in diá podoyon kon onu inta sinundú i Allah.

IBRANI 11:5

Popisí in oyúon in pirisaya, dá ki Henokh biningkat pinobayá kon i Allah sinbá diá matoi in sia. Diábí tobatúmai in nokouḻí kon inia sin biningkatdon i Allah in sia. Kon Buk Motusi in pinais nanaa, “Kon wakutu in ki Henokh diápa sinintak, kobobiagnea in mokosanang kon gina i Allah.