DATU MITA 2 2:13 - Alkitab Singog In Mongondow Masa In Tanaa

¹³ bo nopuyut kon jubah i Elia inta noḷabú. Nopaḷut mako kon tua nobui in sia bo sinimindog kon bingkí in Ongkag in Yordan,

DATU MITA 2 2:13 ပူးပေါင်းရင်းမြစ်များ

DATU MITA IMITÁNEA 19:19

Dá nobuatdon in ki Elia bo minayá kon i Elisa inta momajekomai. Mopuḷú bodoyowá nogapang in sapi kon munanea bo ki Elisa tontaní in nomajeko takin sapi togapang inta kon tumi totok. Naonda in ki Elia noitaḻib kon diug i Elisa, ki Elia noḷongkut kon jubahnea bo pinopotoḷompoi kon obaga i Elisa.

DATU MITA IMITÁNEA 9:26

Kon totubuan in kapaḷnea, nomia doman in ki Datu Salomo kon kapaḷ mita kon Ezion-Geber, kon diug in Elot kon pintad Ḷuok in Akaba, butá in Edom.

DATU MITA 2 2:12

Inontong i Elisa intua bo nomaḷú in sia, “Elia, Amáku! Amáku! Moḷoḷukad kon Israel inta motorindog! Diádon in ki Amá!” Dá diádon inontong i Elisa in ki Elia. Takin robonoḷ in dodob ki Elisa nomerak kon jubahnea nosilai doyowa,

DATU MITA 2 2:14

bo nopomobak in jubah i Elia tatua kon tubig poḷat noguman, “Kon onda in ki Tuhan, Allah i Elia tatua?” Naonda in pinomobaknea mako in jubah tatua kon tubig in ongkag tatua, nosilai doyowa in tubig tatua bo minayá in sia in ḷoḷan.

DATU MITA 2 2:8

Noḷongkut in ki Elia kon jubahnea, iḻitodnea bo pinomobaknea kon tubig in ongkag tatua. Dá nosilaidon doyowa in tubig in ongkag tatua, dá notaaudon in taya dua i Elisa minaya-mayá kon gantog inta noingkag.

IBRANI 11:37

Mosia in inandur in batu nodapot in minatoi, oyúon doman in ginaragaji, bo oyúon doman iratá in pitow. Maya-mayá mako in mosia bo mopogiḷambung in ḷambung inta pinomia nongkon kuḻit in domba andeka kuḻit in bembé; mosia in nobiag nobogá, pinogutú bo iroriga mangoi.

SAMUEL 1 28:14

Ki Saul in noḻibó, “Naonda in batangannea?” Tubagnea, “Ḷoḷaki tobatú inta nogoguyangdon. Sia noitukat nogi jubah.” Bo kinotaauandon i Saul kon ki Samuel intua, bo sinumungkud in sia sin mohoromat kon inia.