DATU MITA 2 19:3 - Alkitab Singog In Mongondow Masa In Tanaa

³ Naa in koyow i Hizkia inta pinotaau monia kon i Yesaya, “Singgai in naa singgai inta mokorobonoḷ kon gina, ihukum in kita bo pinopoompámai. Kita naa in naonda bo bobay inta mononggadídon táe kinodaitandon in ropot.

DATU MITA 2 19:3 ပူးပေါင်းရင်းမြစ်များ

DATU MITA 2 18:29

‘Dika moibog akaḷan i Hizkia; diábí in sia mokoposaḷamat kon i monimu.

DATU MITA 2 19:2

Onda intua nopotabá in sia kon i Elyakim, tongguḷu in komaḻig, ki Sebna momomais in negara, bo imang mita inta nogogoguyangdon, sin mokipodungkuḷ kon i Nabi Yesaya ki adí i Amos. Mosia in nogisosapi doman.

DATU MITA 2 19:4

Ki Datu in Asyur in nopotabádon in porwiranea moḷantud tobatú sin mopoompámai kon i Allah inta nobiag. Dika-dika bo kinodongogandon i Tuhan Allahmu in singog nopoompámai tatua, bo mohukumdon kon i monia inta nosingog tatua! Tuamai in posambayangdon kon i Allah sin kobiagan in intau mita naton inta nobiagpa.”

MAZMUR 39:11

Gamádon bui in hukuman-Mu nongkon inakó, sin akuoi in gogiódon matoi in kinotugatan in sambok-Mu.

MAZMUR 95:8

“Dika tumontogat naonda bo mogoguyangmu kon Meriba, naonda kon tungkuḷ in mosia kon Masa, kon padang gurun.

YESAYA 66:9

Dika kai monimu kamai Akuoi in modia kon umat-Ku modapot in wakutu mononggadí bo diá mopomayá mako kon i monia pononggadí.” Natua in guman i Tuhan.

HOSEA 13:13

Israel in oyúonpa in kasampatan mobiag, táe totuu mopompuḷong in sia dá diá nopomaké in kasampatan tatua. Sia in naonda bo adí mointok inta topípa bo pononggadí táe doí ḷumuai nongkon bobuḷadían i iná.

HOSEA 5:15

Umat-Ku in taḷaan-Kubí modapot in roriga kon i monia tugatdon popisí in dosanea mita, bo mamangoi sin motayak kon i-Nakó. Degá kon bonu in roriganea, mosia in moḷongasi moyodungkuḷ-Ku.”