DATU MITA 2 18:8 - Alkitab Singog In Mongondow Masa In Tanaa

⁸ Sinaḷownea in intau in Pilistin, bo nogagow kon tampat pinogutunan monia, nongkon ḻipú inta mointok noidapot in kotá inta totok in moḷoben, noitakin doman in Gaza bo butá mita inta kon diugneamai.

DATU MITA 2 18:8 ပူးပေါင်းရင်းမြစ်များ

DATU MITA IMITÁNEA 5:4

Táe tanaa in ki Tuhan Allahku ain nobogoi in kobiagan notompia kon bayongan in butá inta kon bonu in kawasaku. Bo diá bidon in musungku, bo diá doman in bodito in noiuma kon butáku.

DATU MITA 2 17:9

bo nogaid kon inta diá inogoi i Tuhan Allah monia aidan. Noposindog in mosia in tampat pososumbaan kon dewa kon bayongan in kotá monia, pinomayá kon kotá mointok andeka kon kotá moḷoben.

TAWARIKH 1 4:41

Kon dodai in ki Hizkia datu in Yohuda, buí i Simeon tatua in minayá nonubu kon Gedor. Mosia in nomoguyaat kon ḷoḷaigan mita in intau mita inta nogutun kon tua bo in intau mita in Meunim, bo nopoguntun kon intau inta nogutun kon tua. Onda intua mosia in nogutundon notantú kon tua sin nobayong in popokaanan in bobiagon monia.

TAWARIKH 2 26:10

Sia in noposindog doman in ḷangkeang mita inta dininding kon butá inta kon padang gurun, bo nongaḻi kon nobayong in parigí sin nobayong totok in bobiagonnea, pinomayá kon buḷud andeka kon ḷopá kon dotá in toyopan. Popisí in sia moibog moindoi kon ponononggobá, dá nopotabá in sia nokiaid kon nobayong in intau sinbá monoimbotú kon gobá mita in anggur kon buḷud, bo mononggobá kon butá mita inta mopia.

TAWARIKH 2 28:18

Kon tungkuḷ intua intau mita in Pilistin koyogot in monubu kon kotá mita kon butá mita inta kon sipangkoion in buḷud kon dotá in toyopan, bo kon butá mita inta kon dotá in toḷatan in Yohuda. Mosia in nogagow kon kotá in Bet-Semes, Ayalon, bo Gederot, takin kotá in Sokho, in Timna, bo Gomzo noitakin doman in ḻipú mita kon diugmai in kotá toḷu tatua, bo nogutundon notantú kon tua.

YESAYA 14:29

Ei bangusa in Pilistin, popangkuḷ inta pinaké momongkug kon inimu ain noputoḷ. Táe dikabí mopia-pia in ginamu, sin aka uḷag tobatú matoi, yo uḷag inta moraat totok in mamangoibí momaḷui kon inia, bo natu in uḷag momotow kon naga inta kokoḻikip.

YESAYA 5:2

Sia in nomasoḷ kon butánea bo moḷumbú kon batunea mita. Pinomuḷanea in anggur inta notompiḻí pinosindognea in ḷangkeang poḷoḷukadan. Pinongaḻiannea kon bubú tobatú pomomugutan kon anggurnea, bo nogoḷat in sia kon bungainea moḷutú, táe nomungai in sia in bungai in anggur inta noirat.

ULANGAN 2:23

Butá kon kino ouput in pintad in Dagat Toyuak iḻitúan in intau mita nongkon pulau Kreta. Mosia ain noyompat kon intau in Awi, intau inta muna-munamai nogutun kon butá tatua, bo dongka iḻimitú kon butá tatua nodapot in toḷatan kinoyoyayúbí in kotá in Gaza.)

YOSUA 15:47

Ná doman tua in Asdod bo Gaza takin kotá mita mointok bo ḻipúnea mita inta noibaya-bayá mako nodapot kon diug in tapá kon pinosigadan in Mesir bo pintad in Dagat Toyuak.