DATU MITA 2 17:9 - Alkitab Singog In Mongondow Masa In Tanaa

⁹ bo nogaid kon inta diá inogoi i Tuhan Allah monia aidan. Noposindog in mosia in tampat pososumbaan kon dewa kon bayongan in kotá monia, pinomayá kon kotá mointok andeka kon kotá moḷoben.

DATU MITA 2 17:9 ပူးပေါင်းရင်းမြစ်များ

DATU MITA 2 18:8

Sinaḷownea in intau in Pilistin, bo nogagow kon tampat pinogutunan monia, nongkon ḻipú inta mointok noidapot in kotá inta totok in moḷoben, noitakin doman in Gaza bo butá mita inta kon diugneamai.

AYUB 31:27

Diábí kon dodai in onda in akuoi noibog kon inia, andeka inayokanku in ḻimanea sin mohoromat kon inia.

MAZMUR 78:58

Mosia in noponontot kon i Allah in tampat pososumbaan kon berhala, bo pinointoi monia in Sia in patong mita monia.

YESAYA 29:15

Moboditodon in intau inta moḷongasi mobuni kon tomayánea kon i Tuhan! Mogaid in mosia takin umuni-uni, bo kai monia kamai diábí tobatúmai in nokoontong andeka nonotaau kon onu inta ain inaidan monia.

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

YEHEZKIEL 8:12

Ki Allah in noguman kon inakó, “Ei intau inta ilo-ilow, inontongmu degá onu in inaidan in itoi mita in Israel takin inumado-adop? Mosia in noibada kon bonu in yuang inta nopuḻing in berhala sin kan Akuoi in nonaḷámaidon kon butá tanaa bo diádon noindoimai kon aid monia.”

HOSEA 12:11

Akuoi in nosingogdon kon nabi mita, bo nobogoidon in nobayong in oontongon kon i monia. Pinongin i monia Akuoi nopotaau in tomayá-Ku mita kon i monimu, umat-Ku,

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 27:15

Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’

ULANGAN 29:25

Bo nanaa in tubagnea, ‘Popisí in mosia nonoḻikud kon dodandian takin i Tuhan, Allah in mogoguyang monia; dodandian inta pinomia-Nea takin i monia kon dodai in Sia nodia kon i monia iḻumuai nongkon Mesir.