DATU MITA 2 17:6 - Alkitab Singog In Mongondow Masa In Tanaa

⁶ – inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

DATU MITA 2 17:6 ပူးပေါင်းရင်းမြစ်များ

KINOBAḺIAN 10:2

Ki adí mita i Yapet in ki Gomer, ki Magog, ki Madai, ki Yawan, ki Tubal, ki Mesekh bo ki Tiras.

DATU MITA IMITÁNEA 8:46

Aka umat-Mu binaradosadon kon ini-Mu – totuu kon diábí in tobatúmai in intau in diá binaradosa – bo popisí in torú-Mu pinomayá-Mudon mako in mosia sinaḷow in musung, bo dinia nobaḻí intau inta sinokodomok kon parang pinobayá in butá ibanea inta moyayú andeka inta modiug,

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA 2 17:23

dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

DATU MITA 2 18:34

Kon onda degá in dewa mita in butá in Hamat bo Arpad? Kon onda degá in dewa mita in Separwaim, Hena, bo Iwa? Oyúon degá in namangoi noposaḷamat kon Samaria?

DATU MITA 2 19:12

Kon dodai in mogoguyangku norimumud kon kotá in Gozan, Haran, bo Rezep, poḷat noḻimod kon intau in Eden inta nogutun kon Telasar, diábí in tobatúmai in nongkon dewa mita monia in nokoposaḷamat kon i monia.

DATU MITA 2 21:13

Yerusalem in hukumon-Kubí ná pinohohukum-Ku kon Samaria bo kon i Ahab datu in Israel takin buínea. Yerusalem in radatan-Ku kodariton naonda bo pindan inta iyuyúan bo pinotongkob.

TAWARIKH 1 5:26

Tuamai in pinopogonúdon i Allah kon i Pul datu in Asyur, dá minayádon in sia nonubu kon butá tatua. Ki Pul in tangoi-tangoion doman ki Tiglat-Pileser. Bo suku Ruben, Gad bo suku Manasye inta kon dotá in pomukaan kon Yordan in dinianea nobaḻí intau mita inta sinokodakop kon parang bo iḷumbú kon Halah, Habor, Hara bo kon tampat tobatú inta kon diug in Ongkag in Gozan. Kon tua in pinogutunan monia bo notantú nodapot in singgai naa.

EZRA 6:2

Táe pinomaisan kon tua in deemanbí nouḻí kon Babel, táe kon kotábí in Ahmeta kon butá in Media. Pais tatua in pinais kon tobatú ḻitodan bo nanaa in singognea,

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

YESAYA 10:9

Inagowku in kotá mita in Kalno bo Karkemis, Hamat bo Arpad. Inagowku doman in kotá mita in Samaria bo Damsyik.

YESAYA 13:17

Ki Tuhan in noguman, “Akuoi in nopotabá kon bangusa in Madai sin monubu kon Babel. Mosia in diábí motaau sogóon in saḷaka andeka buḷawan.

YESAYA 17:4

Ki Tuhan in noguman, “Moiangoibí in wakutunea koḷantudan in Israel in mopaḷut, bo kobiagannea motompia in moinggamá.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 36:17

modapot in moiko pampingonku kon ḻipú tobatú inta notombatangan in ḻipúmu tontaní. Kon tua oyúon in gobá in anggur inta mopomungai in anggur kon inimu, bo gobá in gandum inta mobogoi in topong baḻíon kaanonmu.

YESAYA 36:19

Kon onda degá in dewa mita in ḻipú in Hamat bo Arpad? Kon onda degá in dewa mita in Separwaim? Oyúon degá in namangoi noposaḷamat kon Samaria?

YESAYA 37:18

Kinotaauanbí nami komintan, Tuhan, kon datu mita in Asyur ain noḻimod kon nobayong in bangusa bo norimumud kon butá mita monia.

YESAYA 8:4

Sin kon dodai in adí tatua diápa motaau moguman ‘Amá’ bo ‘Iná’, bayongan in kaoyúonan in Damsyik bo bayongan in pakakat inta inagow in Samaria in akutondon pobayá kon i datu in Asyur.”

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

DANIEL 5:28

sinilai; dodatuan i Tuangku in sinilai bo inogoi kon intau in Media bo Persia.”

HOSEA 1:4

ki Tuhan in noguman kon inakó, “Tangoiai in ki adímu tatua ki Yizréel sin diádon moonggot bo hukumon-Ku in datu in Israel popisí in pinoḻimodan inta inaidan i Yehu, mogoguyangnea, kon Yizréel. Toimpaḷut-Kudon in pomarentaan in buí i Yehu.

HOSEA 1:6

Onda intua ki buḷoiku tatua nopononggadí bui in adí nami nogindua, adí bobay. Ki Tuhan in noguman kon inakó, “Hosea, tangoiai in ki adímu tatua ‘Inta diá Kinotabi’, sin Akuoi in diá bidon motabi bui kon bangusa in Israel, bo totokbí in diá mongampung kon i monia.

HOSEA 1:9

Ki Tuhan in noguman kon inakó, “Tangoiai in adímu tatua ‘Deeman Umat-Ku’, sin intau in Israel in deeman umat-Ku, bo Akuoi in deemanbí ki Allah monia.”

HOSEA 8:8

Naonda bo kuyon inta noḷosi, natuata in Israel diádon in mangaḻenea, bo nobaḻídon bangusa inta biasa ná bangusa mita ibanea.

HOSEA 9:3

Moiko, ei bangusa in Israel, diábí umuran mogutun kon butá inta inogoi i Tuhan kon inimu. Moiko in mustibí mobui kon Mesir, bo musti mokaan kon kaanon haram kon Asyur.

IMAMAT 26:38

Moiko in matoidon kon butá inta pinoḷumbúan, yompaton in musungmu mita kon butá monia.

AMOS 5:27

Kon tungkuḷ in ḷumbúon-Ku in moiko kon butá tobatú inta noyayú nongkon Damsyik. Akuoi ki Tuhan inta tangoi-Ku ki Allah Inta Totok in mokawasa ain nosingog.”

AMOS 7:17

ki Tuhan in noguman kon ki buḷoimu in mobaḻí sundaḷ kon daḷan mita in kotá, bo ki adímu mita in ḻimodon kon parang. Butámu in silaionbí magí mako kon intau ibanea, bo iko tontaní in matoibí kon butá in intau inta diá nonotaau kon i Tuhan. Intau in Israel in notantú bidon kon akuton pobayá in poḷumbúan, moyayú nongkon butánea tontaní.”

ULANGAN 28:36

Moiko takin datu monimu in diaan i Tuhan mayá in butá in intau ango-angoi inta diá kinotaauan monimu bo inta diá doman kinotaauan in mogoguyangmu. Kon tua in moiko mogundoidon kon ilah mita inta pinomia nongkon kayu bo batu.

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.

ULANGAN 30:18

yo notantú bidon kon yopúon in moiko, bo kobiaganmu in diábí moonggot kon butá inta diádon moonggot in ḻitúan monimu. Toropdon! Tua in pinotaaukudon kon i monimu singgai naa.