DATU MITA 2 17:34 - Alkitab Singog In Mongondow Masa In Tanaa

³⁴ Umaai in singgai naa mosia in umuranpabí doman mopobayá in adat kabiasaan monia. Mosia in diábí moibada kon i Tuhan bo diá doman motoindudui kon hukum mita bo parenta-Nea mita inta inogoi-Nea kon buí i Yakub, inta sinangoian-Nea doman Israel.

DATU MITA 2 17:34 ပူးပေါင်းရင်းမြစ်များ

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

KINOBAḺIAN 32:29

Ki Yakub in noguman, “Pogumandon tangoi Tuang.” Táe intau tatua notubag, “Diábí paraḷu iko moḻibó mongo ki ine in tangoiku!” Bo binarakatanneadon in ki Yakub.

KINOBAḺIAN 33:20

Onda intua sia in noposindog in mezbah kon tua bo sinangoiannea “El, Allah Israel”.

KINOBAḺIAN 35:10

Guman i Allah kon inia, “Iko in diá bidon tangoion ki Yakub, táe tangoion bidon ki Israel.” Natuata in ki Allah noponangoi kon inia ki Israel.

DATU MITA IMITÁNEA 11:31

Onda intua nogumandon in sia kon i Yerobeam, “Gamádon in mopuḷú nopongkó kon inimu, sin ki Tuhan, Allah in Israel, noguman kon inimu nanaa, ‘Akuoi in mogamádon kon dodatuan tanaa nongkon i Salomo, bo mobogoi in mopuḷú nosuku kon inimu.

DATU MITA IMITÁNEA 18:11

Bo tanaa in ibogon i Amá sinbá akuoi in mayá kon inia bo moguman kon ki Amá in kon naa?

DATU MITA IMITÁNEA 18:31

Nogamá in sia kon batu mopuḷú bodoyowá, batu tobatú mobaḻí toḻiu in suku doman tobatú inta buí i Yakub, intau mita inta ain sinangoi Israel i Tuhan.

DATU MITA 2 17:25

Kon tungkuḷ in mosia momangkoidon mogutun kon tua diábí in mosia mohoromat kon i Tuhan; tuamai in ki Tuhan nopoangoi in singa mita sin modomok kon tongosilai in intau nongkon i monia.

DATU MITA 2 17:33

Dá, mosia tua in mosumba kon Tuhan, táe mosumba doman kon dewa mita monia tontaní, podudui in adat kabiasaan kon butá monia.

DATU MITA 2 17:40

Táe intau mita in Samaria tatua in doíbí mokidongog; mosia in umuranbí kumadai kon adat kabiasaan monia.

MAZMUR 55:20

Ki Allah inta nomarenta nongkon pinomangkoian in mongindongogbí kon inakó bo monaḷow kon i monia. Sin mosia in doíbí tumobat, bo diá moondok kon i Allah.

AMSAL 14:2

Intau inta mojujur in moondok bo mohoromat kon i Tuhan Allah; intau inta kobiagannea diá motuḻid in gina moningkuḻe kon i-Nia.

YESAYA 48:1

Indongogai, ei buí i Yakub, buí in Yohuda inta nomaké in tangoi in Israel, kainimu in inakumu in Allah in Israel, bo nongibot pinodoyon kon tangoi Tuhan. Táe tosingogonmu mita tua in diábí totuu.