DATU MITA 2 17:23 - Alkitab Singog In Mongondow Masa In Tanaa

²³ dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

DATU MITA 2 17:23 ပူးပေါင်းရင်းမြစ်များ

DATU MITA IMITÁNEA 13:2

Podudui in parenta i Tuhan nomaḷúdon in nabi tatua kon mezbah tatua, “Ei mezbah, ei mezbah! Nanaabí in guman i Tuhan, ‘Adí tobatú inta tangoian ki Yosia in pononggadíbí nongkon motoḷuadí i Daud. Kon tudumu naa, ei mezbah, ḻimodonnea in imang mita inta mopobayá in oaidan monia kon tampat pososumbaan kon dewa, bo inta ain doman noposumba in kuruban kon tudumu. Bo kon tudumu doman nion in potubáannea kon tuḷan mita in intau.’ ”

DATU MITA IMITÁNEA 14:16

Ki Tuhan in monaḷábímai kon Israel sin ki Yerobeam in binaradosa bo nokopopisídon kon intau in Israel binaradosa domandon.”

DATU MITA IMITÁNEA 9:7

dá poguntunon-Ku in umat-Ku Israel nongkon butá inta ain inogoi-Ku kon i monia. Taḷaan-Ku domandon in baḷoi tanaa inta ain sinantú-Ku mobaḻí tampat pososumbaan kon i-Nakó. Kon ondakabí in intau in Israel singkuḻeonbí bo kosingan.

DATU MITA 2 13:23

Táe notabi in ki Tuhan kon umat-Nea bo inampungan-Nea in mosia. Doíbí in Sia mopomayá mako yopúon táe sinuḷungan-Neabí in mosia, sin monorop kon dodandian-Nea takin i Abraham, i Ishak bo i Yakub. Dapot in tanaa diábí kon dodai in onda in koḻiongan-Nea in umat-Nea.

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

DATU MITA 2 17:18

dá sinumorúdon totok in Sia kon i monia bo diá noindoimai kon i monia. Iḷumbú-Nea in mosia nongkon butá inta inogoi-Nea kon i monia; dongkadon dodatuan in Yohuda in sinaḷáan.

DATU MITA 2 17:20

dá inindoídon i Tuhan in bayongan in umat in Israel. Ihukum-Nea bo inogoi-Neadon in mosia kon musung mita monia inta mongoraat totok. Diá bidon inindoian-Neamai in mosia, táe iḻumbú-Neadon in mosia nongkon butá inta inogoi-Nea kon i monia.

DATU MITA 2 17:22

Mosia in dinumudui kon oaid i Yerobeam bo umuran mogaid kon bayongan in dosa inta inaidannea,

DATU MITA 2 17:6

– inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

DATU MITA 2 21:14

Intau mita inta nogutunpa kon tua in pomayá-Kudon mako mobaḻí kokaanon in musungnea mita, inta momilang kon i monia bo mogagow kon butá monia.

DATU MITA 2 23:27

Ki Tuhan in noguman, “Onu inta ain inaidan-Ku kon Israel, in pomiaan-Kubí doman kon Yohuda. Intau in Yohuda in ḷumbúon-Kubí doman kon butá inta ogoi-Ku kon i monia. Doíon-Kubí in Yerusalem, kotá inta piniḻí-Ku, bo baḷoi-Ku doman tanaa, inta podudui in singog-Ku in mobaḻí tampat poibadaan kon i-Nakó.”

DATU MITA 2 24:3

Totuubí kon tua in mustibí mobaḻí, sin ki Tuhan in nogumandon kon bangusa in Yohuda in ḷumbúonbí nongkon butá inta inogoi i Tuhan kon i monia. Mosia in iḷumbú sin popisí in bayongan dosa inta inaidan i Datu Manasye;

DATU MITA 2 25:21

kon butá in Hamat. Mosia iroriga kon tua bodongka iḻimod. Natuata in intau mita in Yohuda dinia pinobayá in pinoḷumbúan.

DATU MITA 2 3:3

Tongá, ná ki Datu Yerobeam ki adí i Nebat inta nomarenta noiuna kon inia, sia in nokopopisí domandon kon intau in Israel binaradosa bo diá nogogai in nogaid kon natua.

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

MAZMUR 51:13

Dikadon ḷumbúon in akuoi kon tayowon-Mu, bo dika gamáan in roho-Mu inta motusi kon inakó.

YESAYA 7:8

sin Siria in diábí moropo-ropot nongkon Damsyik iná in kotánea, bo Damsyik in diábí moropo-ropot nongkon i Datu Rezin. Umpaka kon bonu in onom nopuḷú bo ḻima notaong, Israel in mosila-silaibí modapot in diádon monahang saḷaku bangusa.

YEREMIA 52:3

Ki Tuhan in sinumorú totok kon intau inta nogutun kon Yerusalem bo intau in Yohuda, dá inuntun-Nea in mosia bo diádon noḷukad kon i monia. Ki Zedekia in nomarontak kon i Nebukadnezar datu in Babel,

YEREMIA 7:15

Moiko in poguntunon-Ku nongkon tayowon-Ku ná inta pinogoguntun-Ku kon ginaḷum motoḷuadímu, umat in Israel.”

HOSEA 12:3

Oyúon in pelekara i Tuhan takin bangusa in Yohuda; Sia in mohukum doman kon Israel popisí in dodia monia. Sia in motuḻíbí kon oaid monia.

AMOS 5:27

Kon tungkuḷ in ḷumbúon-Ku in moiko kon butá tobatú inta noyayú nongkon Damsyik. Akuoi ki Tuhan inta tangoi-Ku ki Allah Inta Totok in mokawasa ain nosingog.”

MIKHA 1:5

Bayongan tua in mobaḻíbí popisí in intau in Israel binaradosa bo nomarontak kon i Allah. Ki ine in nokopopisí kon Israel binaradosa? Tuata in Samaria inta ki iná in kotánea tontaní! Ki ine in nokopopisí kon Yohuda nosumba kon berhala? Yerusalembí tontaní ah!

MIKHA 1:6

Manangka intua ki Tuhan in noguman, “Baḻíon-Kubí in Samaria bontuyungan in apug kon rawang, bo tampat pomomuḷaan in intau kon pangkoi in anggur. Rumbun in kotá tatua in pogonag-Kubí kon bonu in oyuknea, bo apadnea mita in toko kaḻion-Ku.

MIKHA 2:5

Tuamai, aka moiangoidon in wakutunea butá tatua pobuiondon kon i umat i Tuhan, diábí tobatúmai nongkon i monimu in motarima kon tonsilainea.

ULANGAN 32:20

Guman-Nea, ‘Akuoi in doí bidon motuḷung kon i monia bui; umpakabí indoian-Kudon mako in kororiga monia. Sin bangusa tatua motontogat in gina bo beresibí diá motoindudui.

YOSUA 23:13

yo torop, kon notantú bidon kon ki Tuhan Allahmu in diábí mopoguntun in bangusa mita tatua sin kopiaan monimu. Sedang bo mosia tua in totokbí in mokobahaya kon i monimu, sin mosia tua in mobaḻídon naonda bo poyogaḷap kon i monimu. Pororigaandon totok monia in moiko; sin mosia in mobaḻídon naonda bo sambok kon ḻikudmu ande naonda bo dugi kon bonu in matamu. Moiko in umurandon mororiga modapot in diádon intau tobatúmai in kon sigad monimu in kotaḷáan kon butá inta mopia naa inta inogoi i Tuhan Allahmu kon inimu.

HAKIM MITA 18:30

Patong berhala inta dinia monia tatua, pinosindog monia kon kotá tatua bo nopobaḻí kon i Yonatan, ki adí, i Gersom, ki ompu i Musa, nobaḻí imang monia. Buí i Gersom naa in umuran nobaḻí imang in suku Dan tatua nodapot kon tungkuḷ in umat Israel dinia bo iḷumbú kon butá intau ibanea.